भुसावळातील अजय अवसरमलसह अमळनेरातील कुविख्यात तन्वीर शेख स्थानबद्ध

Ajay Vasaramal from Bhusawal along with notorious Tanveer Sheikh from Amalnera stationed भुसावळ : भुसावळातील कुविख्यात गुन्हेगार अजय उर्फ सोनू मोहन अवसरमल (24, भारत नगर, मामाजी टॉकीजजवळ, भुसावळ) तसेच अमळनेरातील कुविख्यात गुन्हेगार तन्वीर शेख मुस्ताक (27, रा. जुना पारधीवाडा, अमळनेर) यास जळगाव जिल्ह्याधिकार्‍यांनी स्थानबद्ध करण्याचे आदेश दिल्यानंतर गुन्हेगारी वर्तुळात खळबळ उडाली आहे. आदेश निघताच दोघा संशयितांची मध्यवर्ती कारागृह, मुंबईत रवानगी करण्यात आली.

अमळनेरच्या तन्वीरविरोधात 13 गुन्हे
अमळनेर शहरातील तन्वीर हा पेट्रोल पंपाचे मालक बाबा बोहरी यांच्या खुनातील आरोपी आहे शिवाय त्याच्याविरोधात 13 गुन्हे दाखल आहेत. त्यात खून, घरफोडी, चोरी, दंगल, शासकीय कामात अडथळा असे गंभीर गुन्हे दाखल आहेत. अमळनेरचे पोलिस निरीक्षक विजय शिंदे, उपनिरीक्षक अनिल भुसारे, दीपक माळी, रवींद्र पाटील, किशोर पाटील, सिद्धार्थ शिसोदे आदींनी संशयिताला स्थानबद्ध करण्याबाबत प्रस्ताव सादर केल्यानंतर त्याची पडताळणी होवून प्रस्ताव जिल्हाधिकार्‍यांकडे सादर करण्यात आल्यानंतर गुरुवारी सायंकाळी स्थानबद्धतेचे आदेश निघाले.