भुसावळात दुर्गोत्सव विसर्जन मिरवणुकीसाठी पोलिस प्रशासन सज्ज

Police administration is ready for Durgotsav immersion procession in Bhusawal भुसावळ : दुर्गोत्सव विसर्जन एका दिवसांवर आल्याने पालिका व पोलिस प्रशासनाकडून विसर्जनाच्या तयारीला वेग देण्यात आला आहे. यंदा 37 सार्वजनिक दुर्गा मंडळांतर्फे देवीचे बुधवार, 25 रोजी विसर्जन केले जाणार आहे. यासाठी पोलिस व पालिका प्रशासनातर्फे नियोजन करण्यात आले असून बुधवारी दुपारी दोन वाजेपर्यत मिरवणूका काढण्याचे आवाहन पोलिस प्रशासनाने केले आहे. यंदा विसर्जन मिरवणुकीतील वाद्य वाजविण्यास रात्री 10 वाजेपर्यंत परवानगी असल्याने दहा वाजेपर्यंत मिरवणुका आटोपण्यावर पोलिस प्रशासनाचा भर आहे. पालिकेकडून तापी नदीवर क्रेन, आपत्ती व्यवस्थापन समितीतर्फे बोट व बॅरेकेटची व्यवस्था करण्यात येणार आहे.

मुख्य रांगेत 37 मंडळांचा सहभाग
शहरातील आठवडे बाजाराजवळील नृसिंह मंदिरापासून विसर्जन मिरवणुकीला सुरूवात होईल. यंदा विसर्जन मिरवणुकीत 37 मंडळांना पोलिसांनी परवानगी देण्यात आली आहे. शहरात 176 मंडळांतर्फे दुर्गा स्थापना केली असलीतरी मिरवणुकी व्यक्तीरिक्त अन्य मंडळे ही त्यांच्या परीने विसर्जन करण्यासांठी नदीवर अथवा हतनूर धरणावरतील जातील. तापी नदी पात्रात के्रनद्वारे मूर्तीचे विसर्जन केले जाणार आहे. विसर्जनाच्या पार्श्वभुमीवर पोलिस प्रशासनाकडून तयारी करण्यात आली तर पालिकेच्या माध्यमातून सुध्दा नियोजन करण्यात आले. पालिकेच्या माध्यमातून सीसीटिव्ही कॅमेरे लावले जाणार आहे. याबाबत मुख्याधिकारी महेश वाघमोडे यांच्याशी डीवायएसपी कृष्णात पिंगळे यांनी चर्चा केली आहे. त्यामुळे शहरात विशिष्ट लावण्यात आलेल्या कॅमेर्‍यांमुळे मिरवणुकीतील उपद्रवींवर तिसर्‍या डोळ्याची नजर असेल.