दीपनगर प्रकल्पात अपघात : दोन कामगार गंभीर, दोघे किरकोळ जखमी

Accident in Deepnagar project: Two workers seriously injured, two slightly injured भुसावळ : कोळशाचा मोठा गोळा फोडण्याचे काम सुरू असताना हॉपर क्लिक्लंर कोसळून झालेल्या अपघातात दोघे गंभीर तर दोघे कंत्राटी कामगार किरकोळ जखमी झाले. हा अपघात शुक्रवार, 10 नोव्हेंबरला दुपारी दोन वाजता घडला. दोघा रुग्णांवर शहरातील खासगी रुग्णालयात उपचार सुरू असून दीपनगरातील सुरक्षिततेचा मुद्दा पुन्हा या अपघाताने ऐरणीवर आला आहे.

कोळसा फोडला जात असताना दुर्घटना
दीपनगर औष्णिक संच क्रमांक चारच्या बॉयरल जवळील उंचावर असलेल्या हॉपर परीसरात क्लिक्लंर (कोळशाचे मोठा गोळा) फोडण्याचे काम कंत्राटी कर्मचारी करीत हातेे. कंत्राटदार अरुण जी.पाटील या एजन्सीकडे कंत्राटी कामगार प्रदीप हरी साळवे (38, निंभोरा बुद्रूक), भीम चंद्रमोहन भंज (36, निंभोरा), अजय भंगाळे (40, ओझरखेडा, ता.भुसावळ) व राकेश कचेवार (37, निंभोरा) हे क्लिक्लंर फोडण्याचे काम करीत असताना कोळशाचा मोठा झुल्यावर पडल्याने प्रदीप साळवे व भीम चंद्रमोहन भंज हे तोल गेल्याने राखेच्या हॉपरमध्ये कोसळले तर अजय भंगाळे व राकेश कचेवार हे दोन्ही मजूर झुल्याला लटकले. या अपघातात हॉपरमध्ये पडल्याने दोघे गंभीर जखमी झाले. कामगारांच्या चेहरा, छाती, हात व पायांना गंभीर दुखापती झाल्या आहेत. झूल्यावर लटकून राहिलेल्या दोन्ही कामगारांना किरकोळ दुखापत झाली.