गायरान जमिनीचा अनधिकृत वापर : आयुक्तांकडे तक्रारीनंतर चौकशीचे आदेश

Unauthorized use of Gayran land: Order of inquiry after complaint to Commissioner भुसावळ : जळगाव तालुक्यातील तिघे्र येथील गट नं. 191/1 या गायरान जागेचा अनधिकृत वापर केल्याबाबत सामाजिक तथा माहिती अधिकार कार्यकर्ते केदारनाथ सानप यांनी आयुक्त राधाकृष्ण गमे व जिल्हाधिकारी आयुष प्रसाद यांच्याकडे तक्रार दिली होती. याबाबत तहसीलदार अर्पित चौहान यांनी अधिकार्‍यांची समिती नेमून चौकशी करण्याचे आदेश दिले आहेत.

जागेच्या अनधिकृत वापराची तक्रार
भुसावळातील सामाजिक तथा माहिती अधिकार कार्यकर्ते केदारनाथ वामन सानप यांनी 6 सप्टेंबर 2023 रोजी जळगाव तालुक्यातील तिघ्रे गावातील गट नं.191/1 या गुरचरण (गायरान) या जागेवर आयुष प्रोकॉन प्रा.लि. गुजरात यांनी 3/1/2019 पासून अनधिकृत वापर सुरू केला होता. याची तक्रार आयुक्त व जिल्हाधिकारी यांच्याकडे केली होती. या प्रकरणाची तलाठी तिघ्रे व संबंधित अधिकारी यांना माहित असून सुध्दा त्यांनी पदाचा गैरवापर करून उपविभागीय अधिकारी जळगाव यांना चुकिचा अहवाल पाठविला होता. वास्तविक गायरान जागा ही सक्षम अधिकार्‍यांच्या पूर्व परवानगी शिवाय कोणासही वापरास अथवा बदलास व हस्तांरणास बंदी असते. असे उतार्‍यावर नमूद असतांना सुध्दा आयुष प्रोकॉन प्रा.लि. यांनी जिल्हाधिकारी यांच्याकडे जागा मागणीचा प्रस्ताव दिला असता जाणून बूजून तात्कालीन अधिकारी व कर्मचारी यांनी प्रलंबीत ठेवला. मात्र तलाठी तिघ्रे यांनी 3 जानेवारी 2020 रोजी दंडात्मक प्रकरणाची आकारणी करून मिळणेबाबतचा अहवाल मंडळाधिकारी यांना दिला. याबाबत तत्कालीन उपविभागीय अधिकारी यांनी सदरच्या अहवालाची कुठलीही खातरजमा न करता 10 फेब्रुवारी 2020 रोजी क्र.अनबिशे/ई/टपाल/2020/33/150/2 अन्वये आदेश देवून आयुष प्रोकॉन यांना दंडाची नोटीस बजावून लाखो रूपये शासनाच्या खजिन्यात अनधिकृतरित्या भरून घेतले.