घर खरेदीचे स्वप्न भंगले ; भुसावळात कुटूंब बाहेर पडताच अवघ्या तासाभरा लांबवली दहा लाखांची रोकड

The dream of buying a house was broken ; As soon as the family came out in Bhusawal, cash of ten lakhs was extended for just an hour भुसावळ : भुसावळ शहरातील वांजोळा रोडवरील श्रीहरी नगरातून चोरट्यांनी तब्बल दहा लाखांची रोकड भरदिवसा लांबवण्यात आल्याने शहरातील नागरीकांमध्ये प्रचंड खळबळ उडाली आहे. याप्रकरणी बाजारपेठ पोलिसात अज्ञात चोरट्यांविरोधात गुन्हा दाखल करण्यात आला. घर घेण्यासाठी कुटूंबाने कर्ज काढून ही रक्कम घरात आणली होती मात्र माहितगार चोरट्याने कुटूंबातील सदस्य भरदिवसा बाहेर पडताच घराचे कुलूप तोडून रक्कम लांबवली.

सदस्य बाहेर पडताच भरदिवसा लांबवली रक्कम
मुकेशकुमार राधाकिसन कुमावत (45) हे कुटूंबासह श्रीहरी नगरात वास्तव्यास आहेत शिवाय ते मिस्तरी काम करून कुटूंबाला हातभार लावतात. कुमावत यांना घर घ्यावयाचे असल्याने त्यांनी अडीच महिन्यांपूर्वीच बँकेत लोन प्रकरण केले होते व कर्ज रक्कम मंजूर झाल्यानंतर त्यांनी रक्कम घरात आणून ठेवली होती. ही रक्कम त्यांनी सोफा कम बेडच्या कुशनमध्ये लपवली होती. रविवार, 7 रोजी दुपारी 2.30 ते 3.36 दरम्यान सुरूवातीला मुकेशकुमार, नंतर त्यांची पत्नी व नंतर मुलगा बाहेर पडल्याने घर बंद असल्याची संधी माहितगार चोरट्यांनी साधली. दरवाजाचे कुलूप तोडून चोरट्यांनी घरातील सोफा कुशनमध्ये ठेवलली नऊ लाख 90 हजारांची रोकड काही क्षणात लांबवली. काही वेळात कुमावत कुटूंब घरी आल्याने घरफोडीचा प्रकार समोर आला.