यावल तालुका खुनाने पुन्हा हादरला : रस्त्याच्या वापरातून रीधूरीत प्रौढाचा खून

Yaval taluka rocked again by murder : Elderly killed by road use यावल : लग्न करीत नसल्याच्या रागातून मुलाने पित्याचा खून केल्याची घटना यावल तालुक्यातील पिळोदा खुर्द येथे घडल्याची घटना ताजी असतानाच सोमवारी पुन्हा रीधूरी, ता.यावल येथे घराच्या वापरच्या रस्त्यावरून उफाळलेल्या वादात 50 वर्षीय प्रौढाचा कुर्‍हाडीने वार करीत खून करण्यात आला.
या हाणामारीत एक दाम्पत्य गंभीर जखमी झाले. धनराज वासुदेव सोनवणे (50) असे खून झालेल्या प्रौढाचे नाव आहे.

रस्त्याच्या वादातून खून
रीधूरी, ता.यावल येथे सोमवारी रात्री साडेआठ वाजेच्या सुमारास घराच्या वापरच्या रस्त्यावरून दोन कुटुंबांमध्ये वाद झाला आणि त्याचे रूपांतर हाणामारीत झाले. या हाणामारीत धनराज वासुदेव सोनवणे (50) यांच्या डोक्यावर कुर्‍हाडीने वार करण्यात आला यात धनराज सोनवणे हे जागीच ठार झाले तर सतीश सुखदेव सोनवणे (30) व आरती सतीश सोनवणे (28) या दाम्पत्याला जबर दुखापत झाली.