पाच हजारांची लाच भोवली : चोपडा तालुक्यातील ग्रामसेवक जळगाव एसीबीच्या जाळ्यात

5000 bribe: Gramsevak of Chopda taluka in Jalgaon ACB’s net जळगाव  : वेअर हाऊस बांधकामासाठी परवानगी दिल्याच्या मोबदल्यात पाच हजारांची लाच स्वीकारताना चोपडा तालुक्यातील देवगाव पारगावच्या ग्रामसेवकाला जळगाव एसीबीने अटक केली आहे. ही कारवाई बुधवार, 31 जानेवारी रोजी दुपारी करण्यात आली. हेमचंद्र दत्तात्रय सोनवणे (39) असे अटकेतील ग्रामसेवकाचे नाव आहे.

असे आहे लाच प्रकरण
चोपडा तालुक्यातील धानोरा येथील 33 वर्षीय व्यक्तीने याबाबत तक्रार दिली होती. तक्रारदारांचे पारगाव येथे शेत असून त्यामध्ये वेअर हाऊस बांधण्याकरिता ग्रामपंचायतीची परवानगी मिळावी म्हणून तक्रारदारांनी दीड महिन्यापूर्वी अर्ज केला होता. संशयित आरोपी ग्रामसेवक हेमचंद्र दत्तात्रय सोनवणे (वय 39) यांनी वेअर हाऊस बांधकामाची परवानगी दिली. केलेल्या कामाचा मोबदला व बक्षीस म्हणून तक्रारदारांकडे साडेसाह हजार रुपयांची लाच मागण्यात आली व पाच हजारात तडजोड झाल्यानंतर तक्रारदाराने लाचलुचपत प्रतिबंधक विभागाकडे तक्रार नोंदवला.