चाळीसगावातील माजी सेवकाची हत्या : दोघा आरोपींना जळगाव गुन्हे शाखेकडून अटक

Murder of former servant in Chalisgaon : Two accused arrested by crime branch  चाळीसगाव : चाळीसगाव शहराचे माजी नगरसेवक महेंद्र (बाळू) मोरे यांची गोळ्या झाडून हत्या करणार्‍या संशयितांपैकी दोन आरोपींना पुण्यातून अटक करण्यात जळगाव स्थानिक गुन्हे शाखेच्या पथकाला यश आले आहे. सचिन सोमनाथ गायकवाड (घाट रोड, चाळीसगाव) व अंनिस उर्फ नव्वा शेख शरीफ शेख (हुडको, चाळीसगाव) अशी अटकेतील संशयितांची नावे आहेत.

गोपनीय माहितीवरून अटक
गोळीबार करणार्‍यांपैकी संशयित सचिन गायकवाड व अनिस शेख हे पुण्यातील लोणीकंद परीसरात असल्याची माहिती जळगाव गुन्हे शाखेचे पोलिस निरीक्षक किसनराव नजन पाटील यांना मिळाल्यानंतर त्यांनी पथकाला कारवाईचे निर्देश दिल्यानंतर दोघा आरोपींना अटक करण्यात आली व संशयितांना चाळीसगाव शहर पोलिसांच्या ताब्यात देण्यात आले.