जळगावात तरुणाकडून तीन पिस्टलासह चार काडतूस जप्त : गुन्हे शाखेची कामगिरी

जळगाव : जळगाव गुन्हे शाखेने गोपनीय माहितीच्या आधारे तीन पिस्टल व चार काडतूस बाळगणार्‍या तरुणाला अटक केली आहे. किशोर रामदास कोळी (30, रा.कांचन नगर जळगाव) असे अटकेतील तरुणाचे नाव आहे.

गोपनीय माहितीवरून कारवाई
जळगाव शहराच्या गणेश कॉलनी रोड परीसरातील बजरंग बोगद्याजवळ संशयितगावठी कट्ट्यासह येत असल्याची माहिती मिळाल्यानंतर पथकाने किशोर कोळी यास अटक केली. त्याच्याकडून एक लाख 31 हजार रुपये किंमतीचा तीन कट्टे व चार काडतूस व दुचाकी जप्त करण्यात आली.