रावेर तालुक्यातील सात ग्रामपंचायतीवर येणार ‘महिलाराज’

‘Mahilaraj’ will come to seven Gram Panchayats in Raver Taluka रावेर : रावेर तालुक्यातील 13 ग्रामपंचायतीच्या महिला सरपंच पदाच्या अनुसूचित क्षेत्रातील एक द्वितियांश आरक्षण सोडत बुधवारी काढण्यात आली. 13 ग्रामपंचायतीपैकी सात ग्रामपंचायतीत महिला सरपंच असतील.

रावेरात आरक्षण सोडत
जिल्हाधिकारी यांच्या आदेशानुसार अपर जिल्हाधिकारी तथा उपविभागीय महसूल अधिकारी देवयानी यादव यांच्या उपस्थितीत रावेर तालुक्यातील अनुसूचित क्षेत्रातील 13 ग्रामपंचायतीच्या महिला सरपंच पदापैकी एक द्वितियांश सरपंच पदे पूर्णतः महिलांसाठी आरक्षीत करण्यासाठी बुधवारी आरक्षण सोडत रावेर तहसील कार्यालयात काढण्यात आली. दरम्यान, आरक्षण सोडतीनंतर लवकरच जिल्हाधिकार्‍यांच्या आदेशाने निवडणुकीचा कार्यक्रम घोषित होणार असल्याने इच्छुकांमध्ये निवडणुकीची उत्सुकता वाढली आहे.