एमआयडीसी पोलिसांची मोठी कारवाई : दोन गावठी कट्ट्यांसह कुविख्यात गुन्हेगार जाळ्यात

Major action by MIDC police : Notorious criminals nabbed with two village katta जळगाव : एमआयडीसी पोलिसांनी गोपनीय माहितीच्या आधारे गावठी कट्टे बाळगणार्‍या दोघांना अटक केली आहे. ही कारवाई गुरुवार. 29 रोजी रात्री जे.के.पार्क मेहरुण बगीचा येथे करण्यात आली. दीपक लक्ष्मण तरटे (26, नागसेन नगर, रामेश्वर कॉलनी, जळगाव) व अमन रशीद सैय्यद उर्फ खेकडा (21, सुप्रीम कॉलनी, जळगाव) अशी अटकेतील संशयितांची नावे आहेत रसंशयित विशाल राजू अहिरे हा पसार झाला आहे. अटकेतील संशयितांकडे प्रत्येकी एक गावठी कट्टे आढळले तर बजाज पल्सर (एम.एच.19 डी.यु.4565) जप्त करण्यात आली.

संशयितांना चार दिवसांची कोठडी
अटकेतील दीपक लक्ष्मण तरटे (26, नागसेन नगर, रामेश्वर कॉलनी, जळगाव) व अमन रशीद सैय्यद उर्फ खेकडा (21, सुप्रीम कॉलनी, जळगाव) यांच्या विरोधात कॉन्स्टेबल किरण प्रकाश पाटील यांनी फिर्याद दिल्यावरुन गुन्हा दाखल करण्यात आला. संशयितांना न्यायालयात हजर केले असता न्यायमुर्ती वसीम एम.देशमुख यांनी चार दिवसाची पोलीस कस्टडी सुनावली. सरकारतर्फे अ‍ॅडव्होकेट स्वाती निकम यांनी बाजू मांडली.