जळगावातील शिवभक्तांवर क्रुर काळाचा घाला : भरधाव ट्राला क्रुझरवर आदळून तिघे ठार

Cruel attack on Shiv devotees in Jalgaon : Three killed after high-speed trawl collides with cruiser जळगाव : शिवभक्तांच्या क्रुझरला समोरून आलेल्या भरधाव ट्रालाने धडक दिल्याने झालेल्या भीषण अपघातात जळगावातील तिघा भाविकांचा मृत्यू ओढवला तर चौघे जखमी झाले. हा भीषण अपघात बांभोरी गावाजवळ शुक्रवारी पहाटे पाच वाजेच्या सुमारास घडला. खोटे नगर परिसरात असलेल्या साईनगर भागातील महादेव मंदिरासाठी शिवलिंग घेण्यासाठी सर्व भाविक क्रुझरने ओंकारेश्वर (मध्यप्रदेश) येथे जात असताना हा अपघात घडल्याचे सांगण्यात आले.

या शिवभक्तांचा मृत्यू
या अपघातात तुषार जाधव (25, रा.खोटे नगर, मूळ गाव धोबी वराड), विजय हिंमतराव चौधरी (42, रा.साई नगर), भूषण सुभाष खंबायत (45, रा.साईनगर) यांचा मृत्यू ओढवला तर अन्य चौघे भाविक जखमी झाले. अपघाताची माहिती मिळताच बांभोरी ग्रामस्थांनी मदतीसाठी धाव घेतली. अपघात इतका भीषण होता की घटनास्थळी क्रेन मागवून क्रूझर बाजूला करण्यात आली.