भुसावळात शॉर्ट सर्किटने ट्रान्सफॉर्मरला आग : शिक्षक कॉलनीत एसी, फ्रिजस टीव्ही खाक

Transformer caught fire due to short circuit in Bhusawal: AC in teacher’s colony, fridges TV broken
भुसावळ :शहरातील शिक्षक कॉलनीतील मारोती मंदिराच्या आवारात असलेल्या ट्रॉन्सफॉर्मरने (डीपी) पेट घेतल्याने या परिसरात सुरू असलेले पाच टीव्ही, चार फ्रिज, पाच एसी, 35 पेक्षा जास्त लाईट, पाण्याचे पंप, संगणक जळाले आहे. ही घटना गुरूवारी संध्याकाळी 7 ते 8 वाजेच्या सुमारास घडली. यामुळे या भागातील रहिवाशांचे सुमारे पाच लाखांपेक्षा जास्त नुकसान झाले. या भागातील ट्रान्सफॉर्मरवर मोठ्या प्रमाणावर झाडे व वेलींचे साम्राज्य निर्माण झाले आहे. शहरात अन्य भागात सुध्दा कमी जास्त प्रमाणात हा प्रकार नित्याने होत असतो. याकडे वीज कंपनीचे दुर्लक्ष होत आहे.

शॉर्ट सर्किटने पेटली डीपी
शांती नगरातील शिक्षक कॉलनी भागात असलेल्या मारोतीच्या मंदिराच्या आवारात वीज कंपनीची डीपी बसविली आहे. या डीपीवर मोठ्या प्रमाणावर झाडे व वेली वाढलेल्या आहे. डीपीवर वाढलेल्या वेलींमुळे तेथे शॉटर्किट होताच डीपीने पेट घेतला. डीपीने पेट घेताच या भागातील अनेक घरांमध्ये सुरू असलेले टीव्ही, फ्रिज, एसी, वॉशिंग मशीन, संगणक व लाईट जळून खाक झाले. वीजपुरवठा खंडीत झाला. यामुळे या भागात अंधार होऊन एकच खळबळ उडाली. या भागातील रहिवाशांनी वीज कंपनीला फोनवर माहिती दिल्यावर कंपनीचे आधिकारी तेथे दाखल झाले. रात्री वीजपुरवठा सुरू झाल्यावर घरातील उपकरणे जळाल्याचे समोर आले.