फैजपूरला 28 रोजी श्रीकृष्ण जन्माष्टमी व श्री जगन्नाथ रथ यात्रा महोत्सव

फैजपूर- श्री श्री गौर राधा कृष्ण मंदिर, फैजपूर यांच्यातर्फे दर वर्षाप्रमाणे बुधवार, 28 ऑगस्ट रोजी श्री कृष्ण जन्माष्टमी महोत्सव व गुरुवार, 29 रोजी श्री जगन्नाथ रथ यात्रा महोत्सव आयोजित करण्यात आला आहे. गुरुवारी सकाळी 11 वाजता सुभाष चौक, फैजपूर येथून महाआरती व वैदिक विधी नियमानुसार श्री जगन्नाथ रथयात्रेला सुरुवात होइल. तेथून खुशालभाऊ रोड, रथगल्ली, लक्कड पेठ, मारूती मंदिर, सुभाष चौक, छत्री चौक, त्रिवेणी मंदिर या मार्गे खंडोबा वाडी देवस्थानांमध्ये रथयात्रेचे समापन होईल. त्यानंतर खंडोबावाडी देवस्थानात दुपारी चार वाजेपासून हरीनाम संकीर्तन, जगन्नाथ कथा, पुष्प अभिषेक, छप्पन भोग, महाआरती व सर्वांसाठी भंडारा (महाप्रसादाचे) आयोजन करण्यात आले आहे.

श्री राधाकृष्ण मंदिरात कथेचे आयोजन
श्री जगन्नाथ रथ यात्रेनिमित्त दिनांक मंगळवारी दुपारी 3 ते 6 वाजेपर्यंत परमपूज्य भक्ती सुमन गोविंद स्वामी महाराज (श्रीधाम वृंदावन) यांची कथा श्री श्री राधा कृष्ण मंदिरात आयोजित करण्यात आली आहे. श्री जगन्नाथ रथयात्रेत देश-विदेशातून अनेक साधू-संतांचे आगमन होणार आहे. फैजपूर व परीसरातील भाविक भक्तांची उपस्थिती राहणार आहे. या कार्यक्रमासाठी खंडोबा वाडी देवस्थान, फैजपूर येथील महामंडलेश्वर 1008 श्री श्री पुरुषोत्तम दास महाराज यांनी मंदिरातील सभामंडप उपलब्ध करून दिला आहे तसेच फैजपूर व परीसरातील नागरीकांचे सहकार्य लाभत आहे. भाविकांनी श्रीकृष्ण जन्माष्टमी कार्यक्रम व श्री जगन्नाथ रथ यात्रा महोत्सव कार्यक्रमात उपस्थिती द्यावी, असे आवाहन श्री श्री गौर राधा कृष्ण मंदिराचे अध्यक्ष श्रीमान सचिनंदन प्रभू यांच्यामार्फत करण्यात आले आहे.