जनतेच्या इच्छा, आकांक्षा व स्वप्न पूर्ण करणारा आमदार म्हणून मंगेश चव्हाणांचा महाराष्ट्रात नावलौकिक : मंत्री गिरीश महाजन

यांची होती उपस्थिती
यावेळी खासदार स्मिता वाघ, जिल्हा बँकेचे चेअरमन संजय पवार, नाशिक भाजपाचे शहराध्यक्ष लक्ष्मण सावजी, जळगाव कृषी उत्पन्न बाजार समितीचे श्यामकांत सोनवणे, सरस्वती डेअरी संचालक मुकेश टेकवाणी यांच्यासह तालुक्यातील आजी माजी लोकप्रतिनिधी, भाजपा पदाधिकारी, कार्यकर्ते, वारकरी मोठ्या संख्येने उपस्थित होते.

वारीचे महात्म्य जवळून अनुभवले : मंत्री महाजन
आमदार मंगेश चव्हाण हे जरी माझ्यापेक्षा वयाने लहान असतील तर त्यांच्या अनेक कामांचा हेवा मला वाटतो. गेल्या अनेक वर्षांपासून मी देखील आषाढी एकादशीच्या दिवशी पंढरपूर येथे नियोजनात प्रत्यक्ष सहभागी होत असल्याने वारीचे महात्म्य जवळून अनुभवत आहे. पंढरपूरची वारी एक चांगला उपक्रम असून मी देखील माझ्या मतदारसंघातील वारकर्‍यांना पुढील आठवड्यात विशेष पंढरपूर दर्शन घडवणार आहे. खरोखर एक लोकप्रतिनिधी कसा असावा याचे ज्वलंत उदाहरण म्हणजे मंगेशदादा व त्यांचे काम असल्याचेही यावेळी मंत्री गिरीश महाजन यांनी सांगितले.

समाजकार्यासाठी विठ्ठलाचा आशिर्वाद व गिरीशभाऊ यांची प्रेरणा : आमदार मंगेश चव्हाण
लोकप्रतिनिधी या नात्याने विकास कामे होत राहतील मात्र पंढरपुर येथे जाऊन श्री विठ्ठलाचे दर्शन वारकर्‍यांना करून आणणे ही माझ्यासाठी जीवनात महत्त्वाची बाब असल्याची भावना आमदार मंगेश चव्हाण यांनी यावेळी व्यक्त केली. तालुक्यातील मायबाप जनतेच्या विश्वासाला कधी तडा जाऊ देणार नाही, ही वारी ही कुटुंबाची वारी आहे. वारकर्‍यांना पांडुरंगाचे दर्शन घडवून आणणे ही सेवा असून या सेवेतूनच खर विठ्ठलाचे दर्शन होत असल्याचे यावेळी आमदार मंगेश चव्हाण यांनी सांगितले. ज्यांच्या मार्गदर्शनातून व प्रेरणेतून मला कामाची ऊर्जा मिळते ते राज्याचे मंत्री गिरीश महाजन यांची पाठीवरील कौतुकाची थाप निश्चितच मोलाची असून त्यांच्या पाठबळामुळे हे सर्व शक्य होत आहे. या आषाढी एकादशीला पंढरपूर येथे वारकर्‍यांच्या नियोजनासाठी सलग 17 तास गिरीशभाऊ महाजन उभे होते, ही दैवी शक्तीच आहे.

समाजकार्याचे बळ मला श्री विठ्ठलाच्या आशीर्वादाने व गिरीश भाऊ महाजन यांच्या प्रेरणेने मिळते. आमदार मंगेशदादा चव्हाण यांनी यावेळी सांगितले.

खासदार स्मिताताई वाघ यांनी दिल्या शुभेच्छा
चाळीसगावातील वारीचा उपक्रम निश्चितच आमदार मंगेशदादा चव्हाण यांचे वेगळेपण दाखवणारा आहे. चाळीसगाव मतदार संघातील नागरिक खरोखरच भाग्यवान आहेत, त्यांना आमदार मंगेश दादांच्या रूपाने कर्तव्यदक्ष लोकप्रतिनिधी लाभला आहे असेही त्यांनी शेवटी बोलताना सांगितले तर जिल्हा बँक चेअरमन संजय पवार यांनी दिलेला शब्द पाळणारा आमदार मंगेशदादांचे नाव ओळखले जाते. जळगाव भाग्यवान आहेत की, त्यांना आमदार मिळाला एक वारकरी पुत्रच अशा पद्धतीने काम करू शकतो विठ्ठलाचा आशीर्वाद व सर्व सामान्य चाळीसगावकर यांची साथ मंगेश दादांना आहे तोपर्यंत त्यांचे स्थान कोणीही हटवू शकत नाही, असेही त्यांनी यावेळी सांगितले.

पंढरपूर येथे चाळीसगाव मतदारसंघातून गेलेल्या चार हजार भाविकांच्या दोन वेळा जेवणाची व्यवस्था श्री शनी महाराज मठ येथे करण्यात आली आहे, चाळीसगावाहून पंढरपूर जाताना व पंढरपूरहुन चाळीसगाव येताना रेल्वे मध्ये जवळपास 12 हजार पाणी बॉटल्स, औषधोपचार पेटी आदी अत्यावश्यक सोयी सुविधा आमदार मंगेश दादा चव्हाण यांच्या माध्यमातून उपलब्ध करून देण्यात आलेल्या आहेत. भाविकांची वारी सुखकर व निरोगी व्हावी यासाठी संपूर्ण काळजी घेण्यासाठी गेल्या एक महिन्यापासून भाजपा कार्यकर्ते परिश्रम घेत आहेत.