हरली नसल्याने राजीनामा देण्याचा प्रश्नच नाही ; ममता बॅनर्जी

ममता यांनी आरोप केला की, भाजपने मतमोजणी केंद्रांवर ताबा मिळवला होता. त्या म्हणाल्या, त्यांनी माझ्या पोटात आणि पाठीत लाथा मारल्या आणि मला बाहेर ढकलले. त्यांनी आरोप केला की, भाजप आणि निवडणूक आयोगाने एसआयआरच्या नावाखाली 100 जागा लुटल्या.

पश्चिम बंगालसह पाच राज्यांमधील विधानसभा निवडणुकांचे निकाल सोमवारी जाहीर झाले. बंगालमध्ये भाजपने 294 पैकी 207 जागा पहिल्यांदाच जिंकल्या. राज्यात पहिल्यांदाच भाजपचे सरकार स्थापन होण्याच्या मार्गावर आहे. टीएमसीला केवळ 80 जागा मिळाल्या. 15 वर्षांनंतर सत्ता ममता बॅनर्जींची सत्ता गेली आहे.

ममता बॅनर्जी यांचा असा आहे दावा
निवडणुकीच्या दोन दिवस आधी आमच्या लोकांना अटक करण्यात आली. सर्वत्र छापे टाकण्यात आले. आयपीएस आणि आयएएस अधिकार्‍यांच्या बदल्या करण्यात आल्या. पंतप्रधान आणि गृहमंत्री यांचाही यात थेट सहभाग आहे.

मी राजीनामा देणार नाही. मी हरलेली नाही आणि मी राजभवनात जाणार नाही. राजीनाम्याचा प्रश्नच उद्भवत नाही. त्यांनी आम्हाला अधिकृतपणे हरवले असेल, पण नैतिकदृष्ट्या आम्ही निवडणूक जिंकलो आहोत.

मी राजीव गांधी, मनमोहन सिंग आणि अटलबिहारी वाजपेयी यांच्यासह अनेक सरकारे पाहिली आहेत, पण असे अत्याचार मी कधीही पाहिले नाहीत. अत्याचारांना कोणतीही सीमा नव्हती. येथे लोकांचा छळ करण्यात आला.

मतमोजणीच्या पहिल्या फेरीनंतर, भाजप 195-200 जागा जिंकत आहे असे ते म्हणू लागले. तुम्ही अंतिम निकालाची वाट पाहिली नाही. भाजपचे सदस्य मतदान केंद्रात घुसले आणि त्यांनी लोकांना व मतमोजणी प्रतिनिधींना मारहाण करण्यास सुरुवात केली.

आम्ही निवडणूक आयोगावर कारवाई करू. आम्ही आता काय करणार आहोत, हे मी उघड करणार नाही. दुसरे म्हणजे, आम्ही 5 खासदारांसह 10 जणांची एक तथ्य-शोध समिती स्थापन करण्याचा निर्णय घेतला आहे.