पाटणा (9 मे 2026) : देशात उत्तर भारतातील उत्तर प्रदेश, बिहार, छत्तीसगड, झारखंड, हिमाचल प्रदेश, राजस्थानमध्ये शुक्रवारी पाऊस आणि गारपीट झाली तर मध्य भारतात पुन्हा तीव्र उष्णता जाणवू लागली आहे.
बिहारमधील पाटणासह सात जिल्ह्यांमध्ये शुक्रवारी जोरदार पाऊस आणि वादळ आले. फुलवारीशरीफमध्ये गारपीटही झाली. भोजपूर, पाटणा, समस्तीपूर आणि पूर्व चंपारणमध्ये वीज कोसळून चार तर पाटणा आणि वैशालीमध्ये झाडे कोसळून तीन लोकांचा मृत्यू झाला. पेट्रोल पंपाची भिंतही कोसळली.
उत्तर प्रदेशातील आग्रा आणि जालौनमध्ये पाऊस झाला तर मऊमध्ये गारपीटही झाली. शनिवारी 17 जिल्ह्यांमध्ये वादळी वार्यासह पाऊस आणि वीज कोसळण्याचा इशारा देण्यात आला आहे.
तर राजस्थानमध्ये तापमान वाढल्याने उष्णता तीव्र झाली आहे. देशात सर्वाधिक उष्ण बाडमेर होते. येथे पारा 44.6ओउ नोंदवला गेला. तर जैसलमेर आणि फलोदीमध्ये तापमान 44ओउ होते. राजस्थानमधील टोंकमध्ये शुक्रवारी दुपारनंतर पाऊस झाला.
मध्य प्रदेशमध्ये शुक्रवारी दिवसाच्या तापमानात वाढ दिसून आली. रतलाममध्ये पारा 43.5 अंश सेल्सिअसपर्यंत पोहोचला. गुजरातच्या अहमदाबादमध्ये तापमान 43.1ओउ, महाराष्ट्राच्या वाशिममध्ये 42.8ओउ नोंदवले गेले.
शिमल्यात गारपीट झाली, रस्त्यावर 4 इंच जाड थर साचला
हिमाचल प्रदेशातील शिमल्यात शुक्रवारी पाऊस-गारपीट झाली. यामुळे रस्त्यावर चार इंचांपेक्षा जास्त जाड थर साचला. तो हटवण्यासाठी नंतर जेसीबी मशीन लावावी लागली. सफरचंदाची पिके आणि बागांना गारांपासून वाचवण्यासाठी लावलेले अँटी-हेल नेटही तुटले.
