भुसावळातील डॉ.मुस्कान बियाणी यांचा स्वागत सोहळा उत्साहात

कार्यक्रमात उपस्थित मान्यवरांनी डॉ.मुस्कान यांच्या उज्ज्वल भविष्यासाठी शुभेच्छा व्यक्त करत समाजसेवेच्या भावनेतून रुग्णसेवेचे व्रत जपण्याचा संदेश दिला.

डॉ.मुस्कान बियाणी यांचे हे यश म्हणजे केवळ एका व्यक्तीची शैक्षणिक उपलब्धी नसून, मेहनत, चिकाटी आणि स्वप्नपूर्तीचा प्रेरणादायी आदर्श आहे. या आनंददायी सोहळ्यामुळे बियाणी परिवारात तसेच संपूर्ण बियाणी शैक्षणिक समूहात आनंद व अभिमानाचे वातावरण निर्माण झाले.

यांची होती उपस्थिती
याप्रसंगी वस्त्रोद्योग मंत्री संजय सावकारे, प्रतिष्ठा महिला मंडळाच्या अध्यक्षा रजनी सावकारे, पाळधीतील प्रतापराव गुलाबराव पाटील, जळगावचे उद्योगपती सुनील झंवर, पाळधीतील धनराज कासट, भुसावळच्या नगराध्यक्षा शैलजा नारखेडे, भुसावळ नगरपरिषदेचे सर्व नगरसेवक, भुसावळ शहरातील सर्व प्रतिष्ठित डॉक्टर्स, भुसावळ शहरातील प्रतिष्ठित मान्यवर तसेच बियाणी एज्युकेशन ग्रुपच्या सर्व संस्थांचे प्राचार्य उपस्थित होते.