जळगावात दोघा तरुणांना बदडले : 15 जणांविरुद्ध दंगलीचा गुन्हा

जळगाव- मूर्ती घेण्यासाठी आलेल्या दोन तरुण हे भांडण करणार्‍यांच्या असल्याचा गैरसमजातून ढोल-ताशा वाजवणार्‍या 10 ते 15 जणांनी दोघा तरुणांना ढोल-ताशांनी बेदम मारहाण केल्याची घटना सोमवारी सायंकाळी 5.25 वाजेच्या सुमारास टॉवर चौकात घडली. हाणमारीत रोहित विजय सपकाळे (20, रा.शिवाजीनगर) व स्वप्निल मंगल सोनवणे (22) हा मूकबधीर तरुणही जखमी झाला. शिवाजीनगर परीसरातील रोहित विजय सपकाळे हा मूर्ती खरेदी करण्यासाठी टॉवर चौकात आला असता तेथे त्यावेळी वाद्य वाजविणार्‍यांचे भांडण सुरू असताना त्यातील 10 ते 15 जणांनी काही कारण न नसताना स्वप्नीलच्या हातावर ढोल-ताशा मारण्यात आला तरयावेळी स्वप्निल मंगल सोनवणे हा मुकबधीर तरुण उभा असताना त्याच्या डोक्यात ढोल मारुन फेकण्यात आल्याने स्वप्नीलच्या डोक्याला गंभीर दुखापत झाली. जखमी रोहित सपकाळे यांच्या फिर्यादीवरुन 10 ते 15 जणांविरोधात दंगलीचा गुन्हा दाखल करण्यात आला. ढोल-ताशाही जप्त करण्यात आला असून तपास सहाय्यक फौजदार वासुदेव सोनवणे करीत आहेत.