भुसावळ : भुसावळ तालुका माध्यमिक व उच्च माध्यमिक शाळा मुख्याध्यापक संघाची त्रैवार्षिक निवडणूक भुसावळ येथील श्री गाडगेबाबा हायस्कूलमध्ये पार पडली. अध्यक्षस्थानी निवडणूक निरीक्षक तथा यावल तालुका मुख्याध्यापक संघाचे अध्यक्ष जयंत चौधरी होते. जळगाव जिल्हा मुख्याध्यापक संघाचे सचिव जी.आर.चौधरी, जिल्हा संपादक सदस्य अरुण धनपाल, भुसावळ तालुका माजी मुख्याध्यापक अध्यक्ष एस.पी.भिरूड यांची उपस्थिती होती. यावेळी बिनविरोध निवडीची घोषणा करण्यात आली तसेच कार्यकारीणी जाहीर करण्यात आली.
नूतन कार्यकारीणी अशी
अध्यक्ष जे.पी.सपकाळे (दादासाहेब दामू पांडू पाटील माध्यमिक विद्यालय सूनसगाव), उपाध्यक्ष अनिल जगताप (माध्यमिक विद्यालय बोहर्डी), सचिव नितीन भालेराव (माध्यमिक आश्रमशाळा, मांडवे दिगर), सदस्य शेख इरफान, (हाजी अजीज पहेलवान ऊर्दू स्कूल), सुरेखा सुर्यभान पाटील (न्याती गर्ल्स हायस्कूल कंडारी), सैय्यद नवीद (उसामा ऊर्दू स्कूल), अरुण गुरचळ (जनता हायस्कूल, साकरी), सदस्य साधना लोखंडे (नेहरू विद्यालय तळवेल), एन.बी.किरंगे (के.नारखेडे विद्यालय)
गुणवत्ता वाढीवर भर : जे.पी.सपकाळे
नूतन अध्यक्ष जे.पी.सपकाळे बोलताना म्हणाले की, येणार्या काळात माध्यमिक शाळेतील विद्यार्थ्यांच्या गुणवत्ता वाढीसह शाळेतील मुुख्याध्यापक व शिक्षकांना येणार्या अडचणी सोडवून तालुक्याचे कामकाज जिल्ह्यात नंबर 1 वर नेण्याचा प्रयत्न असणार आहे.
यांचा झाला गौरव
या निवडीबद्दल गटशिक्षणाधिकारी तुषार प्रधान, विस्तार अधिकारी किशोर वायकोळे, बी.डी.धाडी, डी.पी.साळुंखे, इब्टा संघटनेचे जिल्हाध्यक्ष आर.आर.धनगर, शिक्षक परीषदेचे एस.एस.अहिरे, माध्यमिक शिक्षक पतपेढीचे संचालक संजू भटकर प्रशांत नरवाडे, आर.बी.पाटील, अनिल माळी, कमलाकर सोनवणे, शरद पाटील, सुनील वानखेडे व विविध शिक्षक संघटनेच्या वतीने गौरव करण्यात आला.
