फैजपूर मसाका चेअरमन शरद महाजन यांचा आज धुळ्यात भाजपा प्रवेश

राष्ट्रीय अध्यक्ष जे.पी.नड्डा यांच्या उपस्थितीत होणार प्रवेश
फैजपूर : माजी गृहराज्यमंत्री जे.टी.महाजन यांचे पुत्र व मसाका चेअरमन तथा काँग्रेसचे जिल्हा उपाध्यक्ष शरद महाजन हे मंगळवारी धुळ्यात भाजपाचे राष्ट्रीय अध्यक्ष जे.पी.नड्डा यांच्या प्रमुख उपस्थितीत शेकडो कार्यकर्त्यांसह भाजपात प्रवेश करीत आहेत. या माध्यमातून गेल्या अनेक दिवसांपासून सुरू असलेल्या चर्चांना पूर्णविराम मिळणार आहे.
उत्तर महाराष्ट्र मेळाव्यात करणार प्रवेश
मंगळवारी धुळे येथे उत्तर महाराष्ट्र विभागीय भाजपचा कार्यकर्ता मेळावा असल्याने त्याठिकाणी भाजपाचे राष्ट्रीय अध्यक्ष जे.पी.नड्डा हे उपस्थित राहणार आहेत. त्या ठिकाणी मसाका चेअरमन शरद महाजन भाजपात त्यांच्या हस्ते प्रवेश करणार आहेत. यात साखर कारखान्याचे काही संचालकदेखील प्रवेश करतील. महाजन यांचे निकटवर्तीय शेकडो कार्यकर्ते यांचा देखील भाजपात प्रवेश होणार आहे. मधुकर सहकारी साखर कारखाना गेल्या अनेक दिवसापासून आर्थिक संकटात सापडलेला आहे. शेतकरी हीत व या भागातील वैभव टिकून राहावे हाच उद्देश डोळ्यासमोर ठेवून शरद महाजन भाजपात प्रवेश करत आहे. महाजन यांना काँग्रेसच्या पदाधिकारी यांना थांबवण्याच्या प्रयत्न केला असला तरी ते अपयशी ठरले आहे. या प्रवेशावेळी जिल्ह्याचे पालकमंत्री गिरीश महाजन, पर्यटन मंत्री जयकुमार रावल, नामदार हरीभाऊ जावळे उपस्थित राहणार आहे.
