भुसावळ : गो मांसाची वाहतूक एका वाहनातून होत असल्याचा संशय काही गो प्रेमींना आल्यानंतर त्यांनी फैजपूर ते भुसावळदरम्यान एका वाहनाचा पाठलाग करीत टेम्पो (एम.एच.20 ईजी 1491) शहरातील वाय पॉईंटला अडवले. यावेळी शहर पोलिसांना पाचारण करण्यात आल्यानंतर वाहनाची तपासणी केली असता या वाहनात मोठ्या प्रमाणावर गुरांची हाडे आढळून आली. या संदर्भात पोलिसांनी सखोल विचारणा केल्यानंतरही चालकाकडे या संदर्भात कुठलीही माहिती वा परवाना नसल्याने हे वाहन चौकशीकामी जुन्या तहसील कार्यालयात जमा करण्यात आले. कारवाईवेळी सहा.पोलीस निरीक्षक संदीप दुणगहू व सहकारी उपस्थित होते. दरम्यान, जप्त करण्यात आलेल्या टेम्पोत चालकासह अन्य तीन मजूर व अन्य दोघे असल्याने त्यांची रात्री उशिरापर्यंत शहर पोलिसांकडून चौकशी करण्यात येत होती. रात्री उशिरापर्यंत या संदर्भात गुन्हा दाखल झाला नसल्याची पोलीस सूत्रांनी दिली.
