शिवसेनेविरोधात बोलल्यानेच आशिष शेलारांविरोधात गुन्हा : माजी मुख्यमंत्री देवेंद्र फडणवीस

भाजपाचा नेता महिलेबद्दल चुकीचे शब्द वापरणार नाही
नागपुरात पत्रकारांशी बोलतांना फडणवीस म्हणाले की, भाजपाचा कोणताही नेता आणि विशेषत: आशिष शेलार हे कोणत्याही महिलेबद्दल अभद्र किंवा चुकीचा शब्द वापरु शकत नाहीत, महापौरांबद्दल तर अजिबात नाही. काल त्यांची पत्रकार परिषद किंवा प्रेस नोट याचा चुकीचा अर्थ काढून गुन्हा दाखल करण्यात आला आहे. आशिष शेलार शिवसेनेविरोधात आक्रमकतेने बोलतात म्हणून त्यांना शांत करण्यासाठी कदाचित गुन्हा दाखल आला का ? हा देखील एक प्रश्न आहे. तसेच महापौर किंवा कोणत्याही महिलेबद्दल आम्हाला प्रचंड आदर आहे. त्यामुळे आशिष शेलार किंवा भाजपा कोणीही त्यांच्याबद्दल वाईट किंवा चुकीचे शब्द वापरु शकत नाही, असंही ते म्हणाले.