रेल्वे अप्रेंटीशीपसाठी नाकारण्यात आलेल्या उमेदवारांना पुन्हा संधी मिळणार

Candidates rejected for Railway Apprenticeship will get another chance मुक्ताईनगर : रेल्वे भरती बोर्ड मार्फत नोटीस क्रमांक अंतर्गत आयटीआय व दहावीच्या गुण पत्राकावरील नावात साम्य नसल्यामुळे रेल्वे अप्रेंटिससाठी नाकारण्यात आलेल्या इच्छुक उमेदवारांना खासदार रक्षा खडसे यांनी रेल्वे भरती बोर्डाकडे केलेला पाठपुरावा व प्रयत्नांमुळे पुन्हा संधी मिळणार आहे.

संधी न मिळाल्याने खासदारांकडे तक्रार
रेल्वे भरती बोर्ड मार्फत नोटीसद्वारे पूर्व रेल्वे विभाग अंतर्गत अप्रेंटिससाठी वेगवेगळ्या मंडळ व वर्कशॉपसाठी एकूण 2945 जागांची भरती काढण्यात आली. यासाठी इच्छुक उमेदवारांनी ऑनलाईन फॉर्म भरल्यानंतर अनेक उमेदवारांना दहावी गुणपत्रक व आयटीआय गुणपत्रक वरील नावात साम्य नसल्यामुळे रेल्वे विभागामार्फत नाकारण्यात (रीजेक्ट) आले होते. यावेळी सदर इच्छुक उमेदवारांनी याबाबत तक्रार केली होती. खासदार रक्षा खडसे यांनी रेल्वे भरती बोर्ड, दिल्ली व व्यवसाय शिक्षण व प्रशिक्षण संचलनालय यांच्याकडे पाठपुरावा करीत ही लक्षात आणून दिल्यानंतर संधी नाकारण्यात आलेल्या उमेदवारांना अप्रेंटीशीपसाठी संधी देणेबाबत रेल्वे भरती सेल, पूर्व रेल्वे, कोलकता यांनी 10 ऑक्टोबर 2022 पत्राद्वारे खासदार खडसे यांनी कळविले असून त्याबाबत तशा सूचना पूर्व रेल्वे विभागास दिल्या आहे.