A youth of Adawad was cheated of six and a half lakhs with the lure of a job in the Indian Navy भारतीय नौदलात नोकरीच्या आमिषाने अडावदच्या तरुणाला साडेसहा लाखांचा गंडा

A youth of Adawad was cheated of six and a half lakhs with the lure of a job in the Indian Navy चोपडा : तालुक्यातील अडावद येथील तरुणाला भारतीय नौदलात नोकरी लावून देण्याच्या आमिषाने मुंबईतील चौकडीने सुमारे साडेसहा लाखांचा गंडा घातला. रक्कम घेवूनही नोकरी न लागल्याने व फसवणूक झाल्याची खात्री झाल्याने न्यायालयाच्या आदेशाने चौघांविरोधात अडावद पोलिसात गुन्हा दाखल करण्यात आला. गुन्हा दाखल झालेल्या संशयीतांमध्ये दोघा अल्पवयीनांचा समावेश आहे.

चौघांविरोधात गुन्हा दाखल
विलास विश्वास पाटील (45, अडावद) यांच्या तक्रारीनुसार, त्यांचा मुलगा दिनेश पाटील यास भारतीय नौदलात नोकरी लावून देण्याच्या आमिषाने संशयीत पुष्पा रवींद्र साळवी (38), हेमंत रघुनाथ धाळवे (40, रा.चारकोप कांदीवली, मुंंबई) व दोन अल्पवयीन संशयीतांनी जानेवारी 2020 च्या पहिल्या आठवड्यात व 20 मार्च 2020 रोजी अडावद येथील तक्रारदाराच्या घरी घेवून साडेसहा लाख रोख व बँकेद्वारे स्वीकारले मात्र त्यानंतर नोकरी न लागल्याने व फसवणूक झाल्याची खात्री झाल्याने न्यायालयाच्या आदेशान्वये चौघांविरोधात गुन्हा दाखल करण्यात आला. तपास सहाय्यक निरीक्षक किरण दांडगे यांच्या मार्गदर्शनाखाली हवालदार शरीफ तडवी करीत आहेत.