भुसावळ पालिकेत विषय समिती सभापतींची बिनविरोध निवड

स्थायी समितीत यांचा समावेश
स्थायी समितीच्या सभापतीपदी नगराध्यक्ष रमण भोळे, उपसभापती तसेच नियोजन विकास समिती सभापतीपदी शेख सईदा शफी तर सदस्य म्हणून प्रीतमा महाजन, मुकेश पाटील, सोनल महाजन, शोभा नेमाडे, पूजा सूर्यवंशी, प्रतिभा पाटील, रमेश नागराणी व मीनाक्षी धांडे यांची निवड करण्यात आली.

जनआधारच्या नगरसेवकांनी फिरवली पाठ
विषय समिती सभापती निवडीच्या सभेला पालिकेतील विरोधी गटातील जनआधार पार्टीच्या सर्वच नगरसेवकांनी पाठ फिरवली तर सत्ताधारी गटातील काही नगरसेवकही अनुपस्थित राहिले. प्रभाग 24 मधील निवडणुकीमुळे सभेला उपस्थित राहू शकलो नसल्याचे जनआधारचे गटनेता उल्हास पगारे म्हणाले. सभापती निवडीसाठी पोलिस निरीक्षक बाबासाहेब ठोंबे यांच्या नेतृत्वात कडेकोट बंदोबस्त राखण्यात आला.