A youth from Chopra taluka was killed in a collision with a tractor transporting illegal sand जळगाव : अवैध वाळू वाहतुकीकडे पोलीस व महसूल प्रशासनाने दुर्लक्ष केले असून त्यातून मात्र जिल्ह्यात अपघात सुरूच आहेत. वाळूने भरलेल्या भरधाव ट्रॅक्टरने पायी चालणार्या 30 वर्षीय तरुणास धडक दिल्याने तरुणाचा मृत्यू ओढवला. हा अपघात रविवारी सकाळी 11 च्या सुमारास अडावद कृषी विद्यालयाजवळ घडला. या अपघातात राजेंद्र झिंगा धनगर (30, रा.कमळगाव ता. चोपडा) या तरुणाचा मृत्यू ओढवला.
अवैध वाळू वाहतूक थांबणार कधी
रााजेंद हा तरुण अडावद-चोपडा मार्गावरील कृषी विद्यालयाजवळ पायी चालत असताना वाळूच्या भरधाव ट्रॅक्टरने राजेंद्र यास जबर धडक दिली. यात त्याच्या डोक्याला मार लागल्याने त्याचा मृत्यू झाला. याप्रकरणी ट्रॅक्टरचालक रवींद्र विजय कोळी (29, रा. सुटकार ता. चोपडा) यास वाहनासह पोलिसांनी ताब्यात घेतले आहे. मृत राजेंद्र धनगर याच्या पश्चात आई, वडील, पत्नी, मुलगा, मुलगी असा परीवार आहे.
