मुंबईत सव्वापाच लाखांच्या दागिण्यांची लूट : युपीतील दाम्पत्याला भुसावळात बेड्या

Loot of jewelery worth 5.5 lakhs in Mumbai : Couple from UP chained in Bhusawal भुसावळ : मुंबईतील सांताक्रुझ परीसरातील एका दाम्पत्याच्या पाच लाख 20 हजारांच्या किंमती अंगठ्या जबरीने हिसकावून युपीकडे निघालेल्या दाम्पत्याला भुसावळातील सतर्क रेल्वे सुरक्षा बलाने जनता एक्स्प्रेसमध्ये बुधवारी रात्री 10.30 वाजता बेड्या ठोकल्या आहेत. संशयिताना सांताक्रुझ पोलिसांच्या ताब्यात देण्यात आले. लकीलाल भैय्यालाल सेठ (20) व प्रीती लकीलाल सेठ (22, दोन्ही रा.मेजाखास, प्रयागराज, उत्तर प्रदेश) अशी अटकेतील आरोपींची नावे आहेत.

जबरी लूट करीत दाम्पत्याचे पलायन
मुंबई पश्चिम भागातील सांताक्रूज परीसरात तक्रारदार अरविन गुरविंदर सिंग (59, रूम क्रमांक एक, प्लॉट नं.31, सेठी निवास, 17 नॉर्थ एव्हेनु रोड, सांताक्रूज पश्चिम, मुंबई) हे परीवारासह वास्तव्याला आहे. संशयित प्रीती ही मेड म्हणून सिंग परीवाराकडे कामाला होती. या घरातील वयोवृद्धेच्या हातातील डायमंडची पाच लाख रुपये किंमतीची अंगठी तसेच 20 हजार रुपये किंमतीची अंगठी प्रीतीसह तिचा पती लकीलाल यांनी हिसकावून पळ काढला होता. हा प्रकार घडल्यानंतर सिंग यांनी सांताक्रुज पोलिसात तक्रार दिल्यानंतर संशयित 13202 डाउन पटना जनता एक्स्प्रेसने गावी पळाल्याची माहिती पोलिसांना मिळाल्यानंतर भुसावळ रेल्वे सुरक्षा बलाला वरीष्ठ निरीक्षक राजेंद्र काने यांनी सूचित केले.