मध्य रेल्वे महाव्यवस्थापकांकडून शेगाव रेल्वे स्थानकाचे निरीक्षण : भुसावळातही पाहणी

Inspection of Shegaon Railway Station by General Manager of Central Railway: Inspection in Bhusawal too भुसावळ : मध्य रेल्वेचे महाव्यवस्थापक आर.के.यादव यांनी गुरुवार, 29 रोजी भुसावळ विभागातील शेगांव स्टेशनचे निरीक्षण केले. स्टेशन निरीक्षण दरम्यान त्यांनी शेगांव स्टेशनवर अमृत भारत योजने अंतर्गत सुरू असलेल्या कार्याचा आढावा घेतला. त्यांनी स्टेशन प्लॅटफॉर्म, स्टेशन परिसर, पार्किंग परिसराची पाहणी केली.यावेळी महाव्यवस्थापकांनी प्रवाशांच्या सुविधा, प्रवाशांच्या सोयींचे मूल्यांकन केले आणि स्थानकावरील सुरक्षा आणि सुरक्षा उपायांचा आढावा घेतला. सध्या पुरविण्यात येणार्‍या प्रवाशांच्या सुविधांचाही आढावा घेतल्यानंतर त्यांनी कामे जलदगतीने करण्याच्या सूचना दिल्या.

भुसावळात धावती भेट
महाव्यवस्थापकांनी शेगांव ते भुसावळ दरम्यान निरीक्षण यानाद्वारे निरीक्षण केले व कार्याचा सविस्तर आढावा घेतला. दरम्यान, यादव यांनी भुसावळ येथे स्टेशन निरीक्षण केल्यानंतर विद्युत लोको शेड, विद्युत इंजिन कारखान्याला भेट देत े निरीक्षण करीत कार्याचा सविस्तर आढावा घेतला.