चोपडा ग्रामीण पोलिसांची मोठी कामगिरी : परप्रांतीय गुन्हेगारांच्या चौकडीकडून नऊ गावठी कट्ट्यांसह 20 जिवंत काडतूस जप्त

Chopra Rural Police’s big achievement : 20 live cartridges along with nine village knives seized from a quartet of migrant criminals चोपडा : मध्यप्रदेशातील पारउमर्टी येथील संशयित गावठी पिस्टलांच्या विक्रीसाठी येणार असल्याची गोपनीय माहिती चोपडा ग्रामीण पोलिसांना मिळाल्यानंतर त्यांनी सापळा रचत पंजाबमधील खरेदीरासह शस्त्र विक्री करणार्‍या चौकडीच्या मुसक्या बांधल्या आहेत. संशयितांकडून 20 जिवंत काडतूस तसेच नऊ गावठी बनावटीचे पिस्टल (गावठी कट्टे) जप्त करण्यात आले. याबाबतची माहिती जिल्हा पोलीस अधीक्षक डॉ.महेश्वर रेड्डी यांनी सोमवारी पत्रकार परीषदेत दिली. अटकेतील संशयितांमध्ये पारउमर्टीच्या दोघांसह जळगाव व पंजाब राज्यातील प्रत्येकी एकाचा समावेश आहे.

या संशयितांना अटक
चोपडा ग्रामीण पोलिसांनी संशयित हरजनसिंग प्रकाशसिंग चावला (20, रा.पारउमर्टी, ता.वरला, जि.बडवाणी, म.प्र), मनमीतसिंग धृवासिंग बर्नाला (20, रा.पारउमर्टी, ता.वरला, जिल्हा बडवाणा, म.प्र), अलबास दाऊद पिंजारी (27, रा.महादेव चौक बाजार पेठ हरिविठ्ठल नगर, जळगाव), अर्जुन तिलकराज मलिक (25, रा.एकता नगर, चमरंग रोड अमृतसर, राज्य पंजाब) यांना अटक केली आहे. रविवार, 10 मार्च रोजी ही कारवाई कृष्णापूर, ता. चोपडा शिवारातील उमर्टी रोडवरील घाटात करण्यात आली.