देशव्यापी संपाची हाक : भुसावळ, वरणगाव ऑर्डनन्समध्ये कर्मचारी संपात सहभागी


खाजगीकरणाचा विरोध ; 30 दिवसापर्यंत चालणार संप

भुसावळ : ऑर्डनन्स फॅक्टरी खाजगीकरण करण्याच्या केंद्र सरकारच्या धोरणाविरोधात एआयडीईएफ, आयएनडीडब्लूएफ, बीपीएमएस व स्टॉप संघटनेच्या सीडीआरए यांनी मंगळवारपासून संपाची हाक दिल्यानंतर भुसावळ व वरणगाव शहरातील ऑर्डनन्स फॅक्टरीतील कर्मचारी संपात सहभागी झाले आहेत. भुसावळ ऑर्डनन्समध्ये कामगार युनियन, इंटक युनियन, बीपीएमएस, बीएसकेएस, एससी एसटी ओबीसी मायनॉरिटी असोसिएशन, क्लरिकल असोसिएशन, सुपरवायझर असोसिएशन, एनजीओ असोसिएशन ने संपात सहभाग घेतला. काही राजपत्रित अधिकारी मात्र कामावर गेले. संयुक्त संघर्ष समितीने अत्यावश्यक सेवेला संपातून सुट दिली. इलेक्ट्रिकल मेंटनन्स, पाणीपुरवठा, हॉस्पीटल, मोटार ट्रान्सपोर्ट आदी विभागांमध्ये कर्मचारी स्वयंसेवक म्हणून सेवा देत आहेत.


कॉपी करू नका.