A Hong Kong finance company was cheated of Rs 3 crore by a solar company in Dhule धुळे (24 डिसेंबर 2024) : उत्पादनासाठी कर्ज घेतल्यानंतर परदेशातील फायनान्स कंपनीची तब्बल तीन कोटी 12 लाखात फसवणूक झाल्याचा प्रकार समोर आला असून याप्रकरणी धुळ्यातील नऊ संचालकांविरोधात मोहाडी पोलिसात गुन्हा दाखल करण्यात आला.
काय आहे नेमके प्रकरण
धुळ्यातील अवधान एमआयडीसीतील सनलिंग फोटो व्होल्टिक प्रा.लि. या कंपनीने उत्पादनासाठी हाँगकाँगच्या वित्त कंपनीकडून तीन लाख 66 हजार 852 अमेरिकन डॉलर कर्ज दिले. भारतीय बाजारभावाप्रमाणे कर्जाची ही रक्कम तीन कोटी 12 लाख 4 हजार 431 रुपये आहे. सनलिंग कंपनीत तयार होणार्‍या सोलर फिल्म बनवण्यासाठी लागणारा कच्चा माल घेण्यासाठी हे कर्ज घेण्यात आले वित्त कंपनीने सनलिंगचे संचालक रामचंद्र नारायण अग्रवाल यांच्यावर विश्वास ठेऊन हे कर्ज दिले.
फसवणूक झाल्याची तक्रार
रामचंद्र अग्रवाल यांनी दक्षिण कोरियाच्या बाजारातून विकत घेतलेला प्लास्टिकचा कच्चा माल खराब निघाल्याने नुकसान झाल्याचा बनाव तयार केल्याचा त्यांच्यावर आरोप आहे. हाँगकाँगच्या कंपनीचा काही संबंध नसताना संचालक रामचंद्र अग्रवाल यांनी तीन कोटी 12 लाख 4 हजार 431 रुपयांची फसवणूक केली आहे. त्यासाठी त्यांना त्यांचा भाऊ हनुमानप्रसाद नारायण अग्रवाल आणि अन्य लोकांनी मदत केल्याची तक्रार मनीष गोविंद शर्मा (इंदौर) यांनी दिली.
आर्थिक गुन्हे शाखेकडे तपास
मोहाडी पोलिसात गुन्हा दाखल करण्यात आल्यानंतर फसवणुकीची व्याप्ती मोठी असल्याने हा गुन्हा धुळे आर्थिक गुन्हे शाखेकडे वर्ग करण्यात आला. आर्थिक गुन्हे शाखेचे सहा. पोलीस निरीक्षक अमोल देवढे तपास करीत आहेत.
