पाळधीजवळ मालवाहू ट्रक धडकल्या : ट्रक चालक जागीच ठार, दोघे गंभीर

या अपघातात टाईल्सने भरलेल्या ट्रकचा चालक जागीच ठार झाला. त्याच्यासोबत असलेला क्लिनर मात्र प्रसंगावधान राखून उडी मारल्याने बचावला पण त्याला किरकोळ दुखापत झाली. दुसरीकडे, दगडी कोळशाने भरलेल्या ट्रकचे चालक आणि क्लिनर हे दोघेही गंभीर जखमी झाले.

अपघातात दोन्ही ट्रकचा पुढील भाग पूर्णपणे चक्काचूर झाला. मृत चालकाचा मृतदेह ट्रकच्या केबिनमध्ये अडकल्याने त्याला बाहेर काढणे अवघड झाले. जेसीबी आणि क्रेनच्या मदतीने ट्रकचा भाग बाजूला करून मृताचा देह बाहेर काढण्यात आला

अपघाताची माहिती मिळताच स्थानिकांनी आणि पोलिसांनी घटनास्थळी धाव घेतली. जखमींना तातडीने जवळच्या रुग्णालयात दाखल करण्यात आले आहे. या अपघातामुळे महामार्गावर काही काळ वाहतूक विस्कळीत झाली होती, मात्र पोलिसांच्या मदतीने वाहतूक पूर्ववत करण्यात आली. पोलिसांनी अपघाताची नोंद घेऊन पुढील तपास सुरू केला आहे.