भुसावळ (28 सप्टेंबर 2025) : मुंबई येथे अखिल भारतीय जैन अल्पसंख्यांक महासंघाच्या मुख्य बैठकीत महाराष्ट्र प्रदेश सह सचिवपदी चेतन जैन यांची निवड करण्यात आली.
जैन समाजाची राष्ट्रीय शिखर संस्था असलेल्या अखिल भारतीय जैन अल्पसंख्याक महासंघाचा मुंबई येथे शपथविधी समारंभामध्ये भुसावळचे सामाजिक कार्यकर्ते चेतन जैन यांना महाराष्ट्र प्रदेश सह सचिवपदी निवडीचे पत्र देण्यात आले. यावेळी देशाच्या विविध ठिकाणाहून आलेले जैन समाजाचे अनेक मान्यवर कार्यक्रमासाठी उपस्थित होते.
केंद्र व राज्य सरकारच्या समाजातील अल्पसंख्यांक योजना समाजातील प्रत्येक घटकांपर्यंत पोहोचवणे, जैन तीर्थक्षेत्र व जैन धर्मस्थळे सुरक्षा व संवर्धन करणे, मुनी संत साध्वी यांच्या विहार व्यवस्था आदी समितीच्या माध्यमातून महासंघाने दिलेली जबाबदारी चेतन जैन हे पार पडतील, असा विश्वास राष्ट्रीय अध्यक्ष ललित गांधी यांनी व्यक्त केला आहे.
आतापर्यंत चेतन जैन यांनी समाज हितासाठी केलेले कार्य, तरुण व तडफदार युवा पिढीसाठी मार्गदर्शक आहे. राजकीय, सामाजिक व शैक्षणिक क्षेत्रात केलेल्या अविस्मरणीय कार्याची वाटचाल यापुढेही जोरात चालू राहील, अशी अपेक्षा जैन महासंघाचे राष्ट्रीय महामंत्री संदीप भंडारी यांनी व्यक्त केली.
समाजाने दिलेली ही जबाबदारी मी निष्ठा प्रामाणिकपणा व सामाजिक जाणीव जोपासून, आपल्या पदाला न्याय देत सकल जैन समाजाच्या प्रगतीसाठी व सर्वांगीण विकासासाठी कार्य करणार, असल्याचे चेतन जैन यांनी सांगितले.
निवडीप्रसंगी राज्याचे कौशल्य विकास मंत्री मंगल प्रभात लोढा, राज्यमंत्री ललित गांधी, संदीप भंडारी, विकास अच्छा, वीरेंद्र संकलेचा व जैन समाज बांधव मान्यवर पदाधिकारी उपस्थित होते.
