उमेदवारांनो पालिका निवडणुकीत आता बिनधास्त करा खर्च ! ; खर्च मर्यादेत अशी झाली वाढ
Spend freely in the municipal elections now ! ; This is how the spending limit has been increased मुंंबई (30 ऑक्टोबर 2025) : आगामी काही दिवसातच स्थानिक स्वराज्य संस्थेच्या निवडणुका होवू घातल्या असून त्या दृष्टीने इच्छुकांनी आतापासून मोर्चेबांधणी सुरू केली आहे. त्यातच इच्छूक उमेदवारांसाठी निवडणूक आयोगाने खर्च मर्यादेत वाढ केल्याने हा मोठा दिलासा मानला जात आहे.
खर्च मर्यादेत झाली वाढ
यापूर्वी जिल्हा परिषद निवडणुकांसाठी उमेदवारांसाठी सहा लाख रुपयांची आणि महापालिका निवडणुकांसाठी दहा लाख रुपयांची खर्च मर्यादा होती मात्र बदलत्या काळानुसार आणि वाढत्या खर्चाच्या पार्श्वभूमीवर ही मर्यादा आता वाढवण्यात आली आहे. महागाई, प्रचार साधनांचे दर, डिजिटल माध्यमांवरील खर्च आणि वाहनभाडे यांसारख्या बाबींचा विचार करून आयोगाने हा निर्णय घेतला.
महापालिका नगरसेवकांसाठी अशी आहे खर्च मर्यादा
मुंबई, पुणे आणि नागपूर महापालिका : 15 लाख
पिंपरी चिंचवड, नाशिक आणि ठाणे महापालिका : 13 लाख
कल्याण-डोंबिवली, छत्रपती संभाजीनगर, नवी मुंबई, वसई-विरार : 11 लाख
‘ड’ वर्गातील 19 महापालिका : 9 लाख
नगरपरिषद आणि नगरपंचायतींसाठीही अशी आहे खर्च मर्यादा
‘अ’ वर्ग नगरपरिषद : नगरसेवक पाच लाख, थेट नगराध्यक्ष 15 लाख
‘ब’ वर्ग नगरपरिषद : नगरसेवक 3.5 लाख, नगराध्यक्ष 11.25 लाख
‘क’ वर्ग नगरपरिषद : नगरसेवक 2.5 लाख, नगराध्यक्ष 7.5 लाख
नगरपंचायत : नगरसेवक 2.25 लाख, नगराध्यक्ष सहा लाख
खर्च वाढीमुळे उमेदवारांना कायदेशीर चौकटीत राहून प्रभावी प्रचार करण्यास मदत होईल तसेच निवडणुकीचा खर्च पारदर्शक, नियमनबद्ध आणि वास्तवाशी सुसंगत राहील, अशी चिन्हे आहेत. ही सुधारित खर्च मर्यादा आगामी सर्व स्थानिक स्वराज्य संस्थांच्या निवडणुकांसाठी लागू असेल.
