आंध्रातील व्यंकटेश्वर मंदिरात चेंगराचेंगरी : 10 भाविकांचा मृत्यू
मृतांमध्ये बहुतांश महिला, एकादशीला जास्त गर्दीमुळे रेलिंग कोसळली
Stampede at Venkateswara temple in Andhra: 10 devotees die श्रीकाकुलम, आंध्रप्रदेश (1 नोव्हेंबर 2025) : जलद दर्शन घेण्याच्या नादात झालेल्या चेंगराचेंगरीनंतर तब्बल दहा भाविकांचा मृत्यू ओढवला असून अनेक भाविक जखमी झाले आहेत. ही धक्कादायक घटन
आंध्र प्रदेशातील श्रीकाकुलम येथील काशीबुग्गा व्यंकटेश्वर मंदिरात शनिवारी घडली. रेलिंग कोसळून हा अपघात झाल्याचे सांगण्यात आले.
मृतांचा आकडा वाढण्याची भीती
शनिवारी एकादशी असल्याने मंदिरात गर्दी होत होती शिवाय लोक जलद दर्शन घेण्यासाठी धावपळ करत होते. यावेळी रेलिंग कोसळले आणि लोक गर्दीखाली चिरडले गेले. महिला आणि मुले बाहेर पडण्यासाठी ओरडताना दिसली. अनेक जण जीव वाचवण्यासाठी लोकांवर चढताना दिसले.
दरम्यान, अपघातानंतरच्या व्हिडिओंमध्ये लोक गर्दीतून महिला आणि मुलांना बाहेर काढताना दिसत होते. चेंगराचेंगरीच्या ठिकाणी महिला बेशुद्ध पडलेल्या दिसत होत्या. लोक महिलांना हात आणि पाय धरून गर्दीतून बाहेर काढताना दिसत होते.
गर्दीमुळे अपघात झाला
आंध्र प्रदेशच्या गृहमंत्री अनिता म्हणाल्या की, दर आठवड्याला अंदाजे 1,500 ते 2,000 भाविक मंदिरात येतात. आज एकादशी ही भाविकांच्या मोठ्या संख्येचे एक महत्त्वाचे कारण होती. त्यांनी स्पष्ट केले की, मंदिर पहिल्या मजल्यावर आहे आणि त्यावर जाण्यासाठी 20 पायर्‍या आहेत. यादरम्यान धक्का-बुक्की झाली आणि रेलिंग तुटली, ज्यामुळे चेंगराचेंगरी झाली.
