A mesmerizing performance on the occasion of Guru Nanak Jayanti in Bhusawal attracts attention भुसावळ (6 नोव्हेंबर 2025) : गुरुनानक जयंतीच्या पार्श्वभुमीवर मंगळवारी दुपारी तीन वाजता शहरातून शोभायात्रा काढण्यात आली. या शोभायात्रेने भुसावळकरांचे लक्ष वेधून घेतले. यात चित्तथरारक सादर केलेले खेळ पाहाण्यासाठी रस्त्याच्या दुतर्फा नागरिकांनी गर्दी केली. गुरुद्वारात 18 ऑक्टोबर ते 5 नोव्हेंबर या काळात अखंड पाठ साहब, 25 ऑक्टोबर ते 3 नोव्हेंबर या काळात पहाटे पाच वाजता प्रभात फेरी काढण्याचे आयोजन करण्यात आले.
गुरुद्वारात विविध कार्यक्रम
गुरूद्वारात गेल्या पंधरवड्यापासून विविध धार्मिक कार्यक्रमांचे आयोजन केले आहे. यात श्री अखंड पाठ, प्रभात फेरीचे आयोजन करण्यात आले. पहाटे 5 ते 7.30 या वेळीत प्रभात फेरी काढली जात होती. यात दररोज 150 भाविकांची उपस्थिती राहात होती. दि. 25 ते ऑक्टोबर ते 3 नोव्हेंबरपर्यत आयोजन करण्यात आले.
जळगाव रोडवरील गुरूद्वारात गुरूनानक जयंती निमीत्त विविध धार्मिक कार्यक्रमांचे आयोजन झाले. यात श्री अखंड पाठ सुरू आहे. यंदा हा 556 वा प्रकाश उत्सव आहे. मंगळवारी दुपारी 3 वाजता गुरूद्वारातून जयंतीनिमित्त शोभायात्रा काढण्यात आली. शहरातील गरूड प्लॉट भागातून ही शोभायात्रा हंबर्डीकर चौक, पांडुरंग टॉकीज,जामनेर रोड, खालसा सायकल, अप्सरा चौक, सराफ बाजारमार्गे गणेशोत्सव विसर्जनाच्या मार्गाने बाजारपेठ पोलिस ठाण्यासमोरून बोगद्यातून हंबर्डीकर चौकात येत तेथून गांधी पुतळा, तहसील कार्यालयावरून पुन्हा गुरूद्वारात शोभायात्रेचा समारोप झाला. यावेळी शोभायात्रेत पंजाब मधून आलेल्या शिख समाज बांधवांनी वेगवेगळे चित्तथरारक खेळ केले. यामुळे रस्त्याने येणारे जाणारे थांबून खेळ पहात होते.
वाहतूक झाली ठप्प
शहरातील हंबर्डीकर चौकात शोभायात्रा आल्यावर मोठ्या प्रमाणावर तेथे वाहतूक ठप्प झाली होती. लोखंडी पूलाकडे, पालिकेच्या दवाखान्याकडे, रेल्वे स्थानकाकडे मोठ्या प्रमाणावर वाहनांची रांग लागलेली होती. वाहतूक शाखेचे पोलिस व अन्य पोालिस वाहतूक सुरळीत करीत होते.
असे आहेत कार्यक्रम
गुरूद्वारात लंगरचा कार्यक्रम 2 ते 6 नोव्हेबर या काळात दुपारी 12 ते 2 व रात्री 8 ते 10 या वेळात आयोजीत केला आहे. दररोज येथे एक हजार भाविक प्रसादाचा लाभ घेत आहे. बुधवारी गुरूनानक जयंती असल्याने येथे मोठ्या प्रमाणावर लंगरच्या कार्यक्रमास गर्दी झाली.
शोभायात्रेत गर्दी वाढली
गुरूवारी काढण्यात आलेल्या शोभायात्रेत मोठ्या प्रमाणावर समाजातील पुरूष, महिला, आबालवृध्दांची संख्या अधिक होती. तलवार फिरविणे, पेटलेले गोलचक्र फिरवणे आदी चित्तथरारक खेळ यावेळी मिरवणूकीत सादर केले. रात्री गुरूद्वारात मिरवणुकीचा समारोप झाला.
