यावल पालिका निवडणूक : आचारसंहितेच्या पार्श्वभूमीवर प्रशासन व राजकीय पक्षाची मीटिंग
यावल (6 नोव्हेंबर 2025) : नगरपालिका निवडणुकीच्या पार्श्वभूमीवर आदर्श आचारसंहितेचे पालन यासाठी यावल तहसील कार्यालयामध्ये राजकीय पक्षांची प्रतिनिधी व प्रशासन यांची संयुक्त मीटिंग तहसीलदार तथा निवडणूक अधिकारी मोहनमाला नाझीरकर यांच्या अध्यक्षतेखाली झाली.
मुख्याधिकार्‍यांना ‘शो कॉज’ बजावणार
महाराष्ट्र निवडणूक आयोगाने घोषित केलेल्या निवडणुकीच्या पार्श्वभूमीवर त्याच क्षणापासून आचारसंहिता लागली असून निवडणुकीमध्ये राजकीय पक्षाच्या कार्यकर्त्यांनी घ्यावयाची काळजी कोणती कामे करावीत व कोणत्या घोषणा करू नयेत आणि निवडणुकीदरम्यान उमेदवारांनी घ्यावयाची काळजीनिवडणुकीत उमेदवारांनी किती खर्च करावा दैनंदिन खर्चाचा तपशील कसा द्यावा नामांकन भरणे वगैरे संदर्भात याबाबत तहसीलदार मोहनमाला नाझीरकर यांनी सर्व सूचना यावेळी दिल्या. या कार्यक्रमाला मुख्याधिकारी नगरपालिका यावल निशिकांत गवई हे उपस्थित नसल्यामुळे त्यांना सूचना पत्र काढण्यात येईल व यापुढे वेळेवर हजर न राहिल्यास निवडणूक आयोगाकडे तक्रार करण्यात येईल, असे यावेळी तहसीलदार यांनी नगरपालिका सहाय्यक प्रभारी अधिकारी डांगे यांना सुचित केले.
प्रभाग क्रमांक दोन मध्ये जे मतदार रहिवासास नाही त्यांचे नाव दोन दिवसात टाकण्यात आली व याबाबत संभाव्य उमेदवाराने नगरपालिकेकडे या संदर्भात माहिती मागितली असता नगरपालिकेने अद्यापपर्यंत माहिती दिली नाही यासंदर्भात राजू महाजन व भूषण फेगडे यांनी मीटिंगमध्ये तहसीलदार यावल यांना शंका विचारणा केली. नगरपालिकेच्या संबंधित अधिकार्‍यांना या संदर्भात ज्यांनी अर्ज दिलेला आहे त्यांना त्वरित माहिती उपलब्ध करून द्या, असे सूचित केले.
याप्रसंगी उमेश फेगडे, बोदडे नाना, आकाश चोपड,े गोलू माळी कामराज घारू, राजू महाजन, भूषण फेगडे यांच्यासह सर्व प्रसार माध्यमांचे प्रतिनिधी व विविध राजकीय पक्षाचे कार्यकर्ते उपस्थित होते.
