Yavalla BJP committee conducts interviews for aspiring mayors and corporator posts यावल (10 नोव्हेंबर 2025) : यावल नगरपालिकेच्या निवडणुकीसाठी भारतीय जनता पक्षाचे वतीने नगराध्यक्ष पदाच्या व नगरसेवक पदासाठी इच्छुक असलेल्या उमेदवारांची निवड समितीने मुलाखती घेतल्या. नगराध्यक्ष पदासाठी आठ महिला उमेदवारांनी, अकरा प्रभागाच्या 23 नगरसेवक पदासाठी 62 उमेदवारांनी मुलाखत दिली.
यांची होती उपस्थिती
निवड समितीमध्ये राज्याचे वस्त्रोद्योग मंत्री संजय सावकारे बेटी बचाव बेटी पढाव राष्ट्रीय संयोजक डॉ.राजेंद्र फडके, जिल्हाध्यक्ष चंद्रकांत बाविस्कर, आमदार अमोल जावळे, रावेर लोकसभा मतदारसंघ प्रमुख नंदकिशोर महाजन यांचा समावेश होता.
हे पदाधिकारी नगराध्यक्ष पदासाठी इच्छूक
मिळालेल्या माहितीनुसार नगराध्यक्षपदासाठी नीलिमा महाजन, रोहिणी फेगडे, नंदा महाजन, पूजा रावते, अश्विनी येवले, अश्विनी येवले, सानवी सराफ , दीपाली बारी, संध्या बारी यांनी मुलाखती दिल्या. मुलाखतीनंतर समितीने मुंबईत गेल्यानंतर दोन दिवसात नगराध्यक्ष पदाच्या उमेदवाराचे नाव निश्चित करण्यात येणार असल्याचे सांगितले तर अकरा प्रभागाच्या 23 नगरसेवक पदासाठी 62 उमेदवारांनी मुलाखती दिल्या.
राकेश कोलतेंसह कार्यकर्त्यांचा भाजपामध्ये प्रवेश
नगरपरिषदेचे माजी प्रभारी नगराध्यक्ष राकेश कोलते, गणेश महाजन, समाधान पाटील, रमेश जोगी, सागर कांबळे, अमोल देशमुख, दीपक चौधरी, मयूर बाविस्कर यांच्यासह सुमारे 40 ते 50 तरुणांनी भाजपात प्रवेश केला. झालेल्या सभेस भाजपाचे प्रदेश सदस्य हिरालाल व्यंकट चौधरी, यावल नगरपालिका निवडणूक प्रभारी हर्षल पाटील, आर.जी.पाटील, प्रभाकर सोनवणे, उज्जैनसिंग राजपूत, नारायण चौधरी, सागर कोळी, भरत पाटील, ज्ञानेश्वर तायडे आदींची उपस्थिती होती.
