सन्मानजनक जागा मिळाल्यास आघाडीसोबत जाणार अन्यथा शिवसेना स्वबळावर लढणार ! : भुसावळात गुलाबराव वाघ
If we get a respectable seat, we will go with the alliance, otherwise Shiv Sena will fight on its own!: Gulabrao Wagh in Bhusawal भुसावळ (11 नोव्हेंबर 2025) : भुसावळ नगरपालिका निवडणुकीचा आखाडा तापला असतानाच महाविकास आघाडीतील काँग्रेस व उबाठा गट सोबत जाणार का? यावरून चाचपणी सुरू असतानाच भुसावळातील मेळाव्यात उपनेते तथा संपर्कप्रमुख गुलाबराव वाघ यांनी महाविकास आघाडीत सन्मानजनक जागा मिळाल्यानंतर जाण्याची भूमिका स्पष्ट केली अन्यथा कार्यकर्त्यांनी 50 जागांवर लढण्याची तयारी करावी, असे स्पष्ट मतही व्यक्त केले. भुसावळ पालिका निवडणूक शिवसेना ठाकरे गट पूर्ण ताकदीनिशी निष्ठावान शिवसैनिकांच्या मनगटाच्या जोरावर लढेल व विजयी होईल, असा आशावादही त्यांनी व्यक्त केला.
शिवसेनेचा शहरात मेळावा
सोमवार, 10 रोजी रोजी सायंकाळी सात वाजता रामानंद हॉलमध्ये निष्ठावंत शिवसैनिकांचा मेळावा झाला. सर्वप्रथम हिंदवी स्वराज्याचे संस्थापक श्री छत्रपति शिवाजी महाराज, संविधान रचयिता महामानव डॉ. बाबासाहेब आंबेडकर तसेच हिंदू हृदयसम्राट सर सेनापति शिवसेना प्रमुख वंदनीय बाळासाहेब ठाकरे यांच्या प्रतिमेचे मान्यवरांच्या हस्ते पूजन करून दीपप्रज्वलन करण्यात आले.





सन्मानजनक जागा मिळाल्यानंतरच महाविकास आघाडीसोबत जाणार
गुलाबराव वाघ पुढे म्हणाले की, भुसावळ नगरपालिका निवडणुकीत महाविकास आघाडीत आम्हाला सन्मानजनक जागा मिळाल्या तरच आम्ही सोबत जावू अन्यथा 50 जागांवर लढण्याची कार्यकर्त्यांनी तयारी ठेवावी, असे त्यांनी स्पष्ट केले. इतिहास काळातील बाजीप्रभू देशपांडे प्रमाणे शिवसेनेची येथील खिंड लढवण्यासाठी नवीन जिल्हाप्रमुख चंद्रकांत शर्मा यांची पक्षाने नियुक्ती केली आहे. विजयाची पताका फडकल्याशिवाय शांत बसू नका, असेही वाघ म्हणाले.
चांदीची तलवार देवून सत्कार
भुसावळ शहराच्या वतीने चंद्रकांत शर्मा यांना चांदीची तलवार भेट देऊन त्यांचा सत्कार करण्यात आला. यावेळी जिल्हाप्रमुख रोहिणी पाटील, जिल्हाप्रमुख चंद्रकांत शर्मा, शहरप्रमुख गणेश चौधरी, शहरप्रमुख शेख मकबूल शैख फरीद, प्रा.उत्तम सुरवाडे, माजी नगरसेवक दिलीप सुरवाडे, माजी नगरसेवक मुकेश गुंजाळ, बाळासाहेब भोई, उमाकांत झांबरे, सुनील भोई, पल्लवी जैन, उमाकांत शर्मा (नमा), राकेश ख़रारे, अरुण सालुंखे, शरद जैसवाल, जवाहर गौर, मिलिंद कापड़े, राकेश भोई, समाधान भोई, शेख अब्बास इतर शिवसेनिक उपस्थित होते. सूत्रसंचालन प्रा.उत्तमराव सुरवाडे तर आभार उमाकांत शर्मा यांनी मानले.
