भुसावळ पालिका निवडणूक आखाडा : आज केवळ उमेदवारासोबत सूचकास प्रवेश !

निवडणूक निर्णय अधिकारी जितेद्रं पाटील यांनी शनिवार आणि सोमवारचे नियोजन केले आहे. वाढती गर्दी लक्षात घेता, प्रांताधिकारी कार्यालयाच्या परिसरात पोलिसांचा बंदोबस्त चोख असेल. प्रांताधिकारी कार्यालयाच्या बाहेर कितीही गर्दी झाली तरी आतमध्ये दोन जणांना सोडले जाणार आहे.

अशी होईल अर्जाची तपासणी
उमेदवारी अर्ज भरण्यासाठी आलेल्या इच्छूक उमेदवारांचा अर्ज सर्वात पहिले तपासणी केली जाईल, त्यात अमानत रक्कम भरल्याच्या पावतीचा क्रमांक लागणार आहे, अंतीम मतदार यादीत इच्छूक उमेदवाराचे नाव आहे का नाही, क्रमांक आहे का, नाहरकत दाखला जोडला आहे का नाही, ही तपासणी मुख्याधिकारी तथा सहायक निवडणूक निर्णय अधिकारी राजेंद्र फातले यांच्या दालनात तपासणी करून तो अर्ज संबंधिताला परत केला जाणार आहे.

चित्रीकरण करून घेणार अर्ज
मुख्याधिकारी यांच्याकडून अर्ज तपासून झाल्यावर निवडणूक निर्णय अधिकारी जितेद्र पाटील यांच्याकडे सादर करण्यापूर्वी त्यांच्या दालनात पुन्हा उमेदवारी अर्ज तेथील पथकाकडून अंतीमवेळा तपासणी केली जाणार आहे. दुसर्‍या मुख्य दालनात तपासणी केल्यावर निवडणूक निर्णय अधिकारी हे उमेदवारी अर्ज स्विकारतील. अर्ज स्विकारतांना व्हीडीओ चित्रीकरण केले जात आहे नंतर संबंधितांला अर्ज घेतल्याची नोंद दिली जात आहे.

शुक्रवारीच तपासून घेत आहे अर्ज
जे उमेदवार शनिवारी अर्ज भरणार आहे, ते शुक्रवारीच प्रांताधिकारी कार्यालयात येत त्यांनी ऑनलाईन भरलेला मात्र, सबमीट न केलेला उमेदवारी अर्ज बरोबर भरलेला आहे का नाही, याची खात्री करून घेत आहे. यामुळे शुक्रवारी प्रांताधिकारी कार्यालयात अनेक इच्छूक उमेदवारांची अर्ज तपासणी करून घेण्यासाठी गर्दी झाली होती. शुक्रवारी अर्ज बरोबर आहे का, कागदपत्रे योग्य जोडली आहे का नाही, याची खात्री करून शनिवारी अर्ज भरणार आहे. असे काही इच्छूकांनी सांगितले.

गर्दी वाढल्यास फक्त उमेदवारास प्रवेश
शनिवारी उमेदवारी अर्ज दाखल करतांना जास्तच गर्दी असल्यास वेळेवर निर्णय घेत फक्त उमेदवारांनाच आत सोडले जाईल. सोमवारी शेवटच्या दिवशी फक्त एकमेव उमेदवारालाच अर्ज दाखल करण्यासाठी आत प्रवेश राहणार आहे. प्रांताधिकारी कार्यालयाच्या रस्त्यावर बॅरेकेट लावून रस्ता बंद केला जाईल, असे निवडणूक निर्णय अधिकारी जितेंद्र पाटील म्हणाले.