Bhusawal Municipality Election: 11 applications filed by 9 candidates for the post of corporator भुसावळ (15 नोव्हेंबर 2025) : भुसावळ पालिका निवडणुकीसाठी उमेदवारी अर्ज दाखल करण्याची प्रकिे्रया सुरू आहे. उमेदवारी अर्ज दाखल करण्याच्या पाचव्या दिवशी नगराध्यक्ष पदासाठी पहिलाच अर्ज रजनी संजय सावकारे यांनी दाखल केला तर 9 उमेदवारांनी 11 अर्ज शुक्रवारी दाखल केले आहे. यामुळे आतापर्यंत 11 उमेदवारांचे 15 अर्ज दाखल झाले असून राजकीय वातावरण शहरातील तापू लागले आहे.
आज व सोमवारी सर्वाधिक अर्ज दाखल होणार
पालिका निवडणूकीसाठी उमेदवारी अर्ज दाखल करण्याची प्रक्रिया सुरू असून उमेदवारी अर्ज दाखल करण्यासाठी शुक्रवारी प्रांताधिकारी कार्यालयात इच्छूक उमेदवारांची मोठ्या प्रमाणावर गर्दी झाली.
शुक्रवारी प्रथमच नगराध्यक्ष पदासाठी पहिला अर्ज दाखल झाला आहे. रजनी संजय सावकारे यांनी भाजपातर्फे उमेदवारी अर्ज दाखल केला आहे. तसेच नगरसेवक पदासाठी अरूणाबाई सुरेश सुरवाडे यांनी प्रभाग 4 मधून अर्ज भरला आहे. तर पूनम वसंत बेांडे (शिवसेना,प्रभात 6 अ, 2 अर्ज), दिलीप कौतिक सुरवाडे (प्रभाग 10 अ, शिवसेना उबाठा), जैबुनिसा रोशन शेख (प्रभाग 18 अ, अपक्ष), संगीता प्रदीप देशमुख (18 अ, अपक्ष), साहील सोहील खान (18 ब, अपक्ष), रोशनी कैलास शेलोडे (21 अ, भाजप, अपक्ष), रूपाली दिपक नेमाडे (राष्ट्रवादी कॉग्रेस शरद पवार गट), महेद्रसिंग हनुमानसिंग ठाकूर (22 अ, भाजप) यांनी उमेदवारी अर्ज दाखल केले आहे.
शनिवार, 15 रोजी उमेदवारी अर्ज दाखल करण्यासाठी गर्दी होत असून सोमवारी अखेरचा दिवस असल्याने या दिवशी अर्जांचा पाऊस पडणार असल्याने या दृष्टीने प्रशासनाने नियोजन केले आहे.
