यावलला शक्ती प्रदर्शन करीत महाविकास आघाडीतर्फे छाया अतुल पाटील यांनी दाखल केला अर्ज
नगराध्यक्ष पदासाठी एक तर नगरसेवक पदासाठी 22 अर्ज दाखल
Chhaya Atul Patil filed an application on behalf of Maha Vikas Aghadi, demonstrating his power. यावल (16 नोव्हेंबर 2025) : यावल नगरपरिषदेच्या सार्वत्रिक निवडणुकीकरिता उमेदवारी अर्ज दाखल करण्याच्या सहाव्या दिवशी शनिवारी प्रचंड गर्दी झाली. येथे नगराध्यक्ष पदाकरीता महाविकास आघाडीच्या शिवसेना उबाठाच्या उमेदवार छाया पाटील यांनी शहरातून शक्ती प्रदर्शन करीत भव्य रॅली काढत अर्ज दाखल केला. नगराध्यक्ष पदासाठी एकमेव अर्ज व नगरसेवकपदाकरीता तब्बल 22 अर्ज येथे प्राप्त झाले.
छाया पाटील यांनी दाखल केला उमेदवारी अर्ज
महाविकास आघाडीच्या वतीने शिवसेना उद्धव बाळासाहेब ठाकरे गटातील छाया अतुल पाटील यांनी आपला उमेदवारी अर्ज सादर केला. यावल नगरपरिषदेत नगराध्यक्ष पदाची जागा सर्वसाधारण महिलेसाठी राखीव आहे.
शक्ती प्रदर्शनानंतर अर्ज दाखल
उमेदवारी अर्ज दाखल करण्यासाठी महाविकास आघाडीचे घटक पक्षातील विविध पदाधिकारी, कार्यकर्ते उपस्थित होते. माजी नगराध्यक्ष अतुल पाटील यांच्या घरापासून ते थेट नगरपरिषद ेपर्यंत हजारोंच्या संख्येत पदाधिकारी, कार्यकर्त्यांच्या सहभागाने शहरातून शक्ती प्रदर्शन करीत रॅली करण्यात आली. नगरपरिषद कार्यालयात त्यांनी अर्ज सादर केला. त्यांच्या अर्जासह शनिवारी येथे विविध प्रभागातून तब्बल 22 इच्छुकांनी अर्ज दाखल केले. निवडणूक निर्णय अधिकारी तथा तहसीलदार मोहनमाला नाझीरकर, सहायक निवडणुक निर्णय अधिकारी अतुल गांगुर्डे यांच्या वतीने शुक्रवारी अर्ज स्विकारण्यात आले. शहरात रॅलीसह नगरपालिका कार्यालयात पोलिस निरीक्षक रंगनाथ धारबळे, उपनिरिक्षक एम.जे.शेखसह पोलिसांनी चोख बंदोबस्त ठेवला.
