भुसावळातील नादुरुस्त मतदान केंद्रे आठ दिवसांत दुरुस्त करा : निवडणूक अधिकारी जितेंद्र पाटील
Repair the faulty polling stations in Bhusawal within eight days: Election Officer Jitendra Patil भुसावळ (16 नोव्हेंबर 2025) : भुसावळ पालिकेच्या निवडणुकीच्या पार्श्वभूमीवर शहरातील 191 मतदान केंद्रांची तयारी आणि सुविधांचा आढावा घेण्यासाठी निवडणूक निर्णय अधिकारी तथा प्रांताधिकारी जितेंद्र पाटील यांच्या अध्यक्षतेखाली सेक्टर अधिकार्‍यांची महत्त्वपूर्ण बैठक झाली. या बैठकीत शहरातील अनेक मतदान केंद्रांवर पायाभूत सुविधांची कमतरता, दुरुस्तीची गरज आणि निवडणुकीसाठी आवश्यक असलेल्या मूलभूत सोयींचा प्रश्न अधोरेखित झाला. यामुळे निवडणूक निर्णय अधिकारी जितेंद्र पाटील यांनी पालिकेच्या अधिकार्‍यांना आठवडाभरात जेथे गरज आहे तेथील मतदान केंद्रे दुरूस्त करून तात्काळ अहवाल सादर करावा, अश्या सूचना पालिकेच्या अधिकार्‍यांना केल्या आहे.
191 केंद्रात होणार मतदान
निवडणूक निर्णय अधिकारी पाटील यांनी पालिकेच्या निवडणूकीसाठी 191 मतदान केदात मतदान होणार आहे. त्या पार्श्वभूमीवर शहरातील मतदान केंद्राचा आढावा घेतला. यावेळी पालिका प्रशासनाला स्पष्ट सूचना दिल्या की, नादुरुस्त व अपूर्ण सुविधांची केंद्रे येत्या आठ दिवसात दुरुस्त करून तयार ठेवावीत. शाळा, सार्वजनिक इमारती, अंगणवाडी केंद्रे अशा ठिकाणी असलेल्या मतदान केंद्रांमध्ये वीज, स्वच्छता, पिण्याचे पाणी, दिव्यांगांसाठी रॅम्प, प्रकाशयोजना, टेबल-खुर्च्या तसेच सुरक्षा दृष्टीने आवश्यक बदल तातडीने पूर्ण करण्याचे निर्देश देण्यात आले.
बैठकीत प्रत्येक मतदान केंद्राचा स्वतंत्रपणे आढावा घेण्यात आला. काही ठिकाणी गटारांची सफाई, रंगरंगोटी, गळती, शौचालयांचे दुरुस्ती, आणि परिसर स्वच्छता अशा तांत्रिक बाबींवरही पालिकेला त्वरित कारवाई करण्याचे आदेश देण्यात आले. निवडणूक निर्णय अधिकारी पाटील यांनी सांगितले की, मतदारांना कोणत्याही प्रकारचा त्रास होऊ नये, ही प्रशासनाची प्राथमिकता असून आवश्यक दुरुस्त्या वेळेत पूर्ण झाल्या पाहिजेत. आगामी निवडणुकीत सुरळीत आणि सुरक्षित मतदान पार पडावे यासाठी प्रशासन सज्ज आहे.
यावेळी केंद्र पाहून आलेल्या अधिकार्‍यांना त्यांनी पाहिलेल्या केंद्रावर काय समस्या आहे हे जाणून घेतले आरि त्या दृष्टीने उपाययोजना करण्याच्या सूचना केल्यात. यावेळी नायब तहसीलदार संतोष विनंते यांनी सुध्दा सेक्टर अधिकार्‍यांच्या समस्या जाणून घेत, उपाय योजना करण्यासाठी सूचना केल्यात. कोणाला काय अडचण आहे का याची माहिती घेतली.
