Sunil Kale slapped a fine in Varangaon: Determined to remain independent and dominate the arena! वरणगाव (16 नोव्हेंबर 2025) : वरणगाव पालिकेच्या निवडणुकीत माजी नगराध्यक्ष सुनील काळे यांची उमेदवारी डावलली जात असल्याची कुणकुण कार्यकर्त्यांना लागल्यानंतर त्यांच्या समर्थकांनी मंत्री संजय सावकारे यांच्या कार्यालयाबाहेर ठिय्या मांडला होता. निष्ठावंतांवरील अन्याय सहन करणार नसल्याचा इशारा माजी नगराध्यक्ष सुनील काळे यांनी देत दंडही थोपटले आहेत. भाजपाकडून उमेदवारी मिळत नसल्याचे स्पष्ट झाल्यानंतर त्यांनी आता थेट अपक्ष रिंगणात उतरणार असल्याचा पवित्रा घेतला आहे.
सहकार्‍यांसह लढणार देणार फाईट
नगराध्यक्ष सुनील काळे म्हणाले की, पक्षासाठी अनेक आंदोलने केली, गुन्हे दाखल करून घेतले मात्र आता पक्ष संपवणार्‍यांच्या गोष्टी करणार्‍यांच्या सांगण्यावरून वरणगावात नगराध्यक्ष पदाची उमेदवारी देण्यात येत आहे. हा निष्ठावंत कार्यकर्त्यावर अन्याय आहे त्यामुळे आपण भाजपा सोडणार नसतो तरी अपक्ष राहून निवडणूक रिंगणात उतरू. पक्ष श्रेष्ठींकडे उमेदवाराचा दावा अद्यापही कायम आहे मात्र उमेदवारी न मिळाल्यास कार्यकर्त्यांना घेवून निवडणूक रिंगणात उतरू.
वरणगावात तापला आखाडा
वरणगाव पालिकेत राष्ट्रवादी शरदचंद्र पवार गटातर्फे राजेंद्र चौधरी यांना यापूर्वीच उमेदवारी जाहीर झाली आहे तर भाजपातर्फे माजी नगराध्यक्ष सुनील काळे यांच्या ऐवजी लेवा समाजातील उमेदवाराला संधी दिली जाण्याची दाट शक्यता आहे मात्र काळेंनी बंडखोरी केल्यास भाजपाला त्याचा मोठा फटका बसून विरोधकांना त्याचा आपसूकच फायदा होणार आहे. वरणगाव भाजपा कशा प्रकार डॅमेज कंट्रोल करते? त्यावर अनेक राजकीय गणिते अवलंबून आहेत. दोन दिवसात चित्र येथले स्पष्ट होणारे आहे.
