महाराष्ट्रातील पालिका निवडणुकांमध्येही विरोधकांची मातीच होणार : मुख्यमंत्री देवेंद्र फडणवीस
Opposition will be the only party in the municipal elections in Maharashtra: Chief Minister Devendra Fadnavis छत्रपती संभाजीनगर (16 नोव्हेंबर 2025) : बिहारातील जनतेने भाजपाप्रणीत एनडीला कौल दिल्यानंतर महाराष्ट्रातही भाजपा सत्ता येणर असून राज्यातील सर्व स्थानिक स्वराज्य संस्थांच्या निवडणुकीतही विरोधकांची अशा प्रकारची माती होणार असल्याचे भाकित मुख्यमंत्री देवेंद्र फडणवीस यांनी येथे व्यक्त केले.
छत्रपती संभाजीनगर शहरात रविवारी भाजपच्या कार्यालयाचे मुख्यमंत्री देवेंद्र फडणवीस यांच्याहस्ते झाले. हे कार्यालय मराठवाडा विभागासाठी असणार आहे. यावेळी बोलताना मुख्यमंत्री देवेंद्र फडणवीस यांनी विरोधकांवर जोरदार हल्ला चढवला. आजचा दिवस आपल्या सगळ्यांसाठी महत्त्वाचा दिवस आहे. मी विशेष उल्लेख आणि अभिनंदन मंत्री अतुल सावे यांचे करू इच्छितो. त्यांनी छत्रपती संभाजीनगरमधील कार्यालय उभारताना अतिशय मोलाची भूमिका बजावली. जमीन शोधण्यापासून ते कार्यालयाची इमारत उभी राहण्यापर्यंत सातत्याने येणार्‍या अडचणींचा सामना अतुल सावे यांनी केला, असे मुख्यमंत्री फडणवीस म्हणाले.
प्रत्येक जिल्ह्यात कार्यालय व्हावे ही शहांची इच्छा
देवेंद्र फडणवीस पुढे म्हणाले, 2014 साली आपले सरकार आल्यानंतर देशामध्ये अमित शहा यांनी भाजपची जबाबदारी घेतली. त्यावेळी प्रत्येक जिल्ह्यात भाजपचे प्रशस्त कार्यालय झाले पाहिजे, अशी इच्छा अमित शहांनी बोलून दाखवली आणि त्यासाठी प्रयत्न सुरू करा, असे अमित शहांनी आम्हाला सांगितले, असे फडणवीस म्हणाले. तेव्हापासून प्रत्येक जिल्ह्यात जमीन खरेदी करणे, प्लॅन मंजूर करणे, कार्यालय उभे करण्याचे आपले कार्य सुरू आहे. कुठेही सरकारी जमिनी घ्यायच्या नाहीत, अनधिकृत बांधकाम करायचे नाही, शंभर टक्के परवानग्या घेऊनच भाजपचे कार्यालय तयार झाले पाहिजे, हे तत्त्व आपण पाळले.
