भुसावळ नगरपालिका निवडणुकीत गायत्री भंगाळे महाविकास आघाडीच्या उमेदवार : आमदार एकनाथराव खडसे
Gayatri Bhangale is the candidate of Mahavikas Aghadi in Bhusawal Municipality elections: MLA Eknathrao Khadse भुसावळ (16 नोव्हेंबर 2025) : भुसावळ नगरपालिका निवडणूक महाविकास आघाडी ताकदीने लढणार असून पक्षाने सर्वानुमते उच्च शिक्षीत उमेदवार गायत्री चेतन भंगाळे यांना नगराध्यक्ष पदाची उमेदवारी जाहीर केली असल्याची माहिती मंत्री एकनाथराव खडसे यांनी येथे पत्रकार परिषदेत दिली. राष्ट्रीय महामार्गावरील हॉटेल राधाकृष्ण येथे आयोजित पत्रकार परिषदेत आमदार खडसे यांनी 50 जागांवर नगरसेवक पदाचे उमेदवार देणार असल्याचे सांगत आघाडीत काँग्रेसला सोबत घेण्याबाबत चर्चा सुरू असल्याचे स्पष्ट केले.
शहरात नागरि समस्या ‘जैसे थे’
माजी मंत्री एकनाथराव खडसे यांनी शहरात गेल्या अनेक वर्षांच्या कालखंडात शहराचा विकास खुंटल्याचे सांगून महाविकास आघाडीला सत्ता मिळाल्यानंतर पिण्याच्या पाण्याचा प्रश्न, नागरि समस्या सोडवणार असल्याची ग्वाही दिली. शहर विकासासाठी मास्टर प्लॅन आवश्यक असून शहर हद्दवाढीचा प्रश्न अद्यापही प्रलंबित असल्याचे ते म्हणाले.
नगराध्यक्ष पदासाठी गायत्री भंगाळेंना संधी
भुसावळ पालिकेच्या नगराध्यक्ष पदासाठी आमच्याकडे सहा जणांनी उमेदवारी मागितली होती मात्र सर्व समीकरणांचा विचार करून सर्वानुमते नगराध्यक्ष पदासाठी गायत्री चेतन भंगाळे यांना संधी दिल्याचे त्यांनी जाहीर केले. भंगाळे या उच्च शिक्षित असून मागासवर्गीय असल्याचे त्यांनी सांगितले. महाविकास आघाडी शहरात 50 जागांवर उमेदवार उभे करणार असून काँग्रेस सोबत चर्चा सुरू असून उद्यापर्यंत चित्र स्पष्ट होईल, असेही त्यांनी सांगितले.
यांची होती उपस्थिती
याप्रसंगी माजी मंत्री एकनाथराव खडसे, माजी आमदार संतोष चौधरी, प्रहारचे उत्तर महाराष्ट्र अध्यक्ष अनिल चौधरी, विशाल नारखेडे, शफी पहेलवान, राजेंद्र चौधरी, जयंत लोणारी, चेतन भंगाळे आदींसह उबाठा गटाचे पदाधिकारी उपस्थित होते.
