भुसावळात भाजपा उमेदवार सौ.रजनीताई सावकारे उद्या शक्ती प्रदर्शनानंतर भरणार उमेदवारी अर्ज
BJP candidate in Bhusawal, Mrs. Rajnitai Savkare, will file her nomination papers tomorrow after a show of strength. भुसावळ (16 नोव्हेंबर 2025) : भुसावळ नगरपालिका निवडणुकीसाठी राजकीय आखाडा तापला आहे. भुसावळात भाजपातर्फे नगराध्यक्ष पदासाठी मंत्री संजय सावकारे यांच्या सुविद्य पत्नी सौ.रजनी सावकारे यांना नगराध्यक्ष पदासाठी संधी देण्यात आली असून यापूर्वी त्यांनी महिला शक्ती समवेत एक अर्ज दाखल केला असून सोमवार, 17 रोजी सकाळी 10 वाजता त्या पुन्हा उमेदवारी अर्ज भरणार आहेत. यावेळी भाजपातर्फे मोठ्या प्रमाणावर शक्ती प्रदर्शनही करण्यात येणार आहे.
प्रचार कार्यालयाचा शुभारंभ
भाजपासाठी नेहमीच अनुकूल ठरलेल्या जामनेर रोडवरील दर्डा भवनात सोमवारी सकाळी नऊ वाजता भाजपाच्या प्रचार कार्यालयाचा शुभारंभ मंत्र्यांच्या उपस्थितीत होणार आहे. यानंतर मोठ्या प्रमाणावर ढोल-ताशांच्या गजरात शक्ती प्रदर्शन करीत सौ.रजनीताई सावकारे हे अर्ज भरण्यासाठी प्रांताधिकारी कार्यालयात दाखल होणार आहे.





