भुसावळात प्रभाग क्रमांक 9 मधून ममता अजय डागोर उद्या शक्ती प्रदर्शनानंतर दाखल करणार उमेदवारी अर्ज
Mamata Ajay Dagor will file nomination from ward number 9 in Bhusawal tomorrow after a show of strength. भुसावळ (16 नोव्हेंबर 2025) : भुसावळ नगरपालिकेचा निवडणूक आखाडा हिवाळ्यातही चांगलाच तापल्याचे दिसून येत आहे. भुसावळातील प्रभाग क्रमांक 9 ब मधून सौ.ममता अजय डागोर या आपल्या कार्यकर्त्यांसह शक्ती प्रदर्शन करीत उमेदवारी अर्ज भरणार आहेत.
सामाजिक कार्यात डागोर परिवार अग्रेसर
भुसावळातील शासकीय कंत्राटदार असलेल्या अजयकुमार डागोर यांच्या सौ.ममता या सुविद्य पत्नी आहेत. गेल्या अनेक वर्षांपासून या दाम्पत्याची प्रभाग नऊमध्ये नाळ जुळली आहे. शिवाय कोरोना काळात या दाम्पत्यातर्फे अनेक सामाजिक उपक्रमही राबवण्यात आल्याने घरा-घरापर्यंत डागोर परिवाराचे नाव पोहोचले आहे.
