भुसावळात प्रचंड शक्ती प्रदर्शनानंतर प्रभाग नऊ ‘ब’ मधून ममता अजय डागोर यांनी भरला उमेदवारी अर्ज
After a huge show of strength in Bhusawal, Mamata Ajay Dagor filed his nomination from Ward Nine ‘B’ भुसावळ (18 नोव्हेंबर 2025) : ढोल-ताशांचा जोरदार गजर करीत भुसावळातील प्रभाग क्रमांक 9 ब मधून सौ.ममता अजय डागोर यांच्या प्रचारार्थ शेकडो कार्यकर्त्यांनी जोरदार शक्ती प्रदर्शन करीत रॅली काढली. शक्तीप्रदर्शनाची विराट रॅली पाहून अनेकांना धडकीही भरली.
अपक्ष उमेदवार ममता डागोर यांची सर्वत्र चर्चा
सामाजिक कार्यात अग्रेसर असलेले अजयकुमार डागोर यांच्या सौभाग्यवती सौ.ममता डागोर या प्रभाग नऊ ब मधून यंदा पालिकेच्या आखाड्यात उतरल्या आहेत. कार्यकर्त्यांसह त्यांनी या भागात जोरदार प्रचार सुरू केला असून अपक्ष उमेदवाराच्या नावाची या प्रभागात जोरदार चर्चा आहे.
शक्ती प्रदर्शन करीत भरला अर्ज
सौ.ममता अजयकुमार डागोर यांनी सोमवार, 17 रोजी उमेदवारी दाखल करण्याच्या अखेरच्या दिवशी जोरदार शक्ती प्रदर्शन केले. यावेळी प्रभागातील त्यांच्या कार्यकर्त्यांसह सर्व समाजातील नागरिकांना सोबत घेत जोरदार शक्ती प्रदर्शन रॅली काढण्यात आली. यावेळी कार्यकर्त्यांच्या हाती व्होट फॉर डागोर तसेच उमेदवार व त्यांच्या पतीची छबी असलेली प्रतिमा होती. ढोल-ताशांच्या गजरात निघालेल्या या रॅलीने प्रभागातील नागरिकांची लक्ष वेधले.
यांचा प्रचार रॅलीत सहभाग
प्रचार रॅलीत उमेदवार सौ.ममता डागोर यांच्यासह त्यांचे पती अजयकुमार डागोर, नितीन करोसिया, दीपक कछवे, कैलास मट्टू, उमेश लख्खन, रंजीत कछवे, दुर्गेश चावरीया, देवेंद्र करोसिया, मिथून खरारे यांच्यासह प्रभागातील नागरिक व कार्यकर्ते उपस्थित होते.
